Vawiin chawhma dar 10:30 khan Minister Pu PC Lalthanliana , i/c LAD/SWD chuan Thiltlang Community Hall ah Thiltlang Student Union (TSU) te buatsaih zirlai titha te chawimawina hun a hmanpui.

Pu Mathana chuan school naupang leh an nu leh pa te zirtirtute kal khawm hma ah thu sawiin TSU ten zirna kawnga titha te chawimawina hun siam nachang an hria chu fak in, zirlai te leh an nu leh pa te chu T.V.- ah an zirna atana tangkai bak chu en tlem tur te, nu leh pa te chu an fate zir na atana pui thei lehkhabu tha tam thei ang ber ngaihtuah sak thin turin a chah a. Zirlai nu leh pa chu an fate an ngaihtuahin an ngaihsak a ni tih hriat theih turin an zirtir thiam lo a nih pohin, an fa te an zirna tuipui turin a chah bawk a ni.  Zirna leh Thiamna hi kawng tinrenga hlawhtlinna thlen tu a nih zia leh sawrkar hna thawh nan chauh a zir lovin, kut hnathawh nan te sumdawn nante, Politics khelh nante hlawhtlinna thlen tu atan a tha hlei hlei a ni, tiin certificate neih ringawt duhtawk lova thiamna tak tak pawchhuak tura a duhsak thu a sawi bawk.

Minister chuan Zirlai te hi nakina kan ram hruaitu leh in nghahna tur an nih rual rual in, kan ram ti lungngaitu leh harsatna siamtu, buaina leh manganna ram; thanmawh bawk an nih theih tho avangin zirtirtu te leh nu leh pa ten naupangte an nih lai atanga an rilru puthmang pawh kaihhruaina dika kan kaihhruai a pawimawh em em a ni, a ti bawk.

Vawiina TSU in zirlai titha an chawimawi te hi Lower class atang HSSLC zirlaite an ni.