1816/2025-2026

Aizawl, August ni 25, 2025: Women & Child Development chuan vawiin khan Dawrpui Multipurpose Hall-ah Early Childhood Care & Education chungchanga inzirtirna leh Field Level-a hnathawhna tur Smart Phones semna hun, ‘Refresher Meeting for Early Childhood Care and Education & Distribution of Smartphones to Field Functionaries Under Women & Child Development’, programme an hmang a. Minister Pi Lalrinpuii chu khuallian niin hun a hmanpui.

Khuallian Minister Pi Lalrinpuii chuan he Smart Phone nei tura kawng tamtak paltlanga hma latu Women & Child Development a thawktute hmalakna lawmawm a tih thu a sawi a, Women & Child Development hnathawhna atana Smart Phones pawimawhzia te, hna langtlang leh awlsam zawk a thawhna hmanrua a nih thu a sawifiah a. Chuvang chuan he Smartphone hi sem satliah a ni mai lovin, hnathawhna tur hmanraw ṭha zawk sem a ni tih hre rengin, theihtawp chhuaha kan ram tana thawk zel turin kalkhawmte a sawm a ni.

He Smartphones hi Mizoram hmun hrang hrang-a Anganwadi Worker-te leh field functionary-te hman tura sem chhuah vek tur a ni a, he smartphone hian kan ram tana hna kan thawhna kawngah hmasawnna a ken ngei theihna turin a hmangtu zawng zawng leh Women & Child Development-a thawktu zawng zawng te duhsakna ka hlan a che u.

Minister hian Smart Phones tlangzarhna leh semna hun a hmang chhunzawm a, Anganwadi Worker 10 (Aizawl Urban ICDS Project leh Tlangnuam ICDS Project) hnenah Smart Phones hi hlan nghal a ni.

He Programme ah hian Early Childhood Care & Education (ECCE) chungchang inzirtirna leh Poshan Tracker-a hnathawh dan enlet leh inzirtirna hun hman a nih hnu ah Smart Phones tlangzarhna leh semna hun hman a ni. He Smart Phone hi Anganwadi Worker, Circle Officer leh Poshan 2.0 Block Coordinator-te hman tur a ni a, Project 27-a semchhuah vek tura ruahman a ni.

He Programme kaihruaitu Pi Lalzarmawii, Secretary, Social Welfare, Women & Child Development Department chuan vawiina an Smart Phone semchhuah chu department hnathawhna atana pawimawh tak a nih thu leh khawvel hmasawnna mila hnathawh dan kan siamrem ve thei zel a ṭul zia te sawiin, heng hmanruate hi hnathawhna atana hmang ṭangkaia, taihmak chhuah lehzual turin a hmangtu tur, Field Functionaries – (Anganwadi Worker, Circle Officer leh Poshan 2.0) te a chah.

Pi Zoramthangi Chhangte, Director Women & Child Development chuan presentation pein Anganwadi Worker-te nihna leh mawhphurhna a sawifiah a. Anganwadi Worker chu tlawmngai, khua leh tui hmangaiha, a hmasawnna tur a theihtawp chhuah mi a ni tur a ni tiin Anganwadi Worker-te a sawiin, Anganwadi Worker ṭha nihna hrang hrang - Hun vawn dik, Faina kenkawh, ṭawngkam mawi leh hawihhawm, SNP Sem leh siam, Anganwadi Centre nghena khawtlang  pawl hrang hrang Coordination Committee, Mothers Committee, Poshan Panchayat-te thawhpui thiam, naupangte ngainat, hun hmang thiam (Time Management) sawifiahin Anganwadi Worker-te a fuih.

Pi Sailopari, Joint Director Women & Child Development chuan lawmthu sawiin hun a khar a ni.