69/2026-2027

Dated Champhai, 7th April 2026: Prof. Lalnilawma, Hon'ble Minister of State, RD, PHED, DM&R etc. chuan vawiin khan Champhai District Aerosports Association Paragliding Take-off site, Eco Cultural Park, Tlangsam a hawng.

Khuallian Prof. Lalnilawma chuan thu sawiin, tunlaiah Politics a ni emaw kawng dangah pawh hmingthat inchuh reng renga hun hman thin a nih laiin tun tuma Paragliding Site buatsaih kawngah erawh chuan hmingthat inchuhna awm miah lova buatsaih leh din a ni thei chu lawmawm a tih thu a sawi a, hun kal zel turah pawh theihtawp chhuahpui zel a inhuam thu a sawi. Champhai District Aerosports Association hruaitute inpekna leh thawhrimnaah lawmthu a sawi bawk.

Khuallian chuan paragliding hi Sports atan chauh ni lovin mahni invawnna atan leh hriselna atan pawh a tangkai hle niin a sawi a, he hmun hi khualzinte hipna hmun pawimawh tak ni chho zel tura hma a lak tum dan leh Tourism Minister pawh sawipui a tum thu a tarlang. He hmun hi tangkai taka hman a nih a, mi tam tak tan malsawmna a nih theihna turin Paragliding take off site hi a hawng a, Champhai District Aerosports Association hnenah pawisa cheng sing khat (₹10,000) a hlan nghal a ni.

He hunah hian Champhai District Bawrhsap Pu Mohammad Aaquib leh Pu J. Vanlalliana, President, Mizoram Aerosports Association te pawhin thu an sawi ve bawk.

Hawnna inkhawm hi Pu Paul Zakhuma, President, Champhai District Aerosports Association chuan kaihruaiin Rev. Lalhmingthanga Chhangte, Bethel Bialtu Pastor chuan hunserh a hmang a, Pu HL Malsawma, President, VC Tlangsam hnen atangin thusawi ngaihthlak niin Pro Pastor Lallawmsanga'n malsawm tawngtainain hun a khar a ni.