Ni 2 awh tur member 111 awmna Mizoram Veterinary Service Association Annual General Conference vawi 26-na chu vawiin chawhma dar 10:30 khan Art & Culture Auditorium Berawtlang Zemabawk-ah neih tan a ni a. Minister pahnih Pu H. Liansailova leh Pu Nihar Kanti Chakma ten an hmanpui.
Khuallian Agriculture Minister Pu H. Liansailova chuan thu sawiin ranvulh chu Mizo hnam nunphung nena inkawp tlat ani ati a. Mizoram mipui 66 % te eizawnna chu loneih leh ranvulh anih laia an sum dehchhuah 14 % chauh a tling thei chu hemi lama tan lak tulzia tarlangtu anih thu a sawi fiah a, mipuite tana eizawnna innghahna tlak leh tlo tur ngaihtuah chhuah kawngah Vety Department chu an pawimawh ber ani a ti. Mipui chawikan nana sawrkar hmalakna hrang hrang beisei anga a hlawhtling lo thin chu veiawm tiin Minister chuan hlawhtlin beiseiawm lova an hriat hmalaknate chu inthlahrung hauh lova hotute hnenah thlen zel turin leh an thiamnate hmanga thurawn pek leh hmalakna a hlawhtlin ngei theih nana an mawhphurhna pawimawhzia hre reng fo turin a fuih bawk. NLUP chungchang sawiin sawrkar chu a inpeih reng tawh a, amaherawhchu trade thlan chungchangah hlawhchhamna tur ala tam avangin sawrkar chuan hlawhtlinpui ngei a duh si a, trade innghahna tlak leh tlo tur an thlan theuh theih nan siamthat tur tlem ala awm ani ati.
Khual Zahawm A.H & Vety Minister Pu N.K. Chakma chuan AH & Vety department chu thingtlang kilkhawr bera mite chhawr tangkai tura hmalatu anih avangin an hna pawimawhzia sawi fiahin sawrkar hmalakna NLUP-ah pawh ranvulh thlangtu an thathnem thute a tarlang a. Mizoram mipuite hmasawna tak tak chu an chungah a innghat ani tiin Minister chuan inpumkhatna, taimakna, rinawmna leh thawhhona tha nen theihtawp chhuah zel turin a fuih bawk.
A.H & Vety Secretary Pu T. Sangkunga pawhin thu sawiin Vety Doctor rual kalkhawmte chu Mizorama kan sa ei a kan la intodelh lohzia leh ram pawn atanga kan lakluh tamzia hriaa chumi kawnga intodelh tura hma laa, NLUP hlawhtlinna ngei tura an thiamnate hmang tangkai theuh turin a chah bawk.
MVSA Annual General Conference hi President Dr. Daniel Chianghnuna’n a kaihruai a. NLUP leh ranvulh tih thupui hman chu Dr. Lalnunhlima Ralte, General Secretary, MGSA-in a sawi a, department Director Dr. L.B. Sailo pawhin thusawina hun a hmang bawk. Chawhnu lamah ranvulh chungchanga thupui hrang hrang zirho ani a, naktuk hian A.H. &Vety Farm Complex, Selesih-ah neih chhunzawm ani ang.
Khual Zahawm A.H & Vety Minister Pu N.K. Chakma chuan AH & Vety department chu thingtlang kilkhawr bera mite chhawr tangkai tura hmalatu anih avangin an hna pawimawhzia sawi fiahin sawrkar hmalakna NLUP-ah pawh ranvulh thlangtu an thathnem thute a tarlang a. Mizoram mipuite hmasawna tak tak chu an chungah a innghat ani tiin Minister chuan inpumkhatna, taimakna, rinawmna leh thawhhona tha nen theihtawp chhuah zel turin a fuih bawk.
A.H & Vety Secretary Pu T. Sangkunga pawhin thu sawiin Vety Doctor rual kalkhawmte chu Mizorama kan sa ei a kan la intodelh lohzia leh ram pawn atanga kan lakluh tamzia hriaa chumi kawnga intodelh tura hma laa, NLUP hlawhtlinna ngei tura an thiamnate hmang tangkai theuh turin a chah bawk.
MVSA Annual General Conference hi President Dr. Daniel Chianghnuna’n a kaihruai a. NLUP leh ranvulh tih thupui hman chu Dr. Lalnunhlima Ralte, General Secretary, MGSA-in a sawi a, department Director Dr. L.B. Sailo pawhin thusawina hun a hmang bawk. Chawhnu lamah ranvulh chungchanga thupui hrang hrang zirho ani a, naktuk hian A.H. &Vety Farm Complex, Selesih-ah neih chhunzawm ani ang.
