Vawiin khan Supply Minister Pu H. Rohluna chuan Khawlailung leh East Lungdar khuate tlawhin, heng khuaa FCS&CA Department leh Forest Department te hmunhma leh an dinhmunte a enfiah a. Khawlailung khuaa Supply Godown-a buhfai leh chini dinhmun chu a tha tawk tih hnathawktute leh khawtlang aiawhte chuan Minister hi an lo hrilh a ni. Khawlailung godown-ah hian tunah buhfai quintal 1161 leh chini quintal 20.70 a awm a ni. Khawlailung centre atang hian Sialsir, Chekawn, Piler leh Hmunzal khuaten an la chhawng leh thin a ni. East Lungdar khuaa Forest Department hmun pawh Pu H. Rohluna hian a tlawh nghal a, khawtlang leh department-in mamawh an lo thlente chungchangah sawrkar ruahmannate Minister hian a hrilhfiah a ni.

Pu H. Rohluna chuan, Buh leh bal tharchhuahah Mizoram hikan intoldelh loh em avangin khawpui atanga thingtlang kilkhawr ber thleng hian sawrkarahkan innghat a; sawrkarin theih tawp chhuah mah se mihring lo pung zelah hnianghnarakan chan vek tura semzai hi thil harsa tak a ni a ti. Mizoram sawrkar chuan buhfai hi mipui nawlpui hnenah kg khat Rs 9.50 in a sem chhuak a, Mizoram-a a phurh luhna man chhut tel miah lovin Food Corporation of India hnen atanga kg khat kan leina chu Rs 24.84 a ni a, chuvang chuan thla khatah buhfai manah ringawt Mizoram sawrkar hian cheng nuai sangkhat chuang hi hmuh let leh loh turin a seng thin a ni a ti. Pu H. Rohluna chuan, Khawvel changkang zelahkan chheh vel ramngaw leh nungchatekan tichereu nasa em em a, hei vang hian sik leh sa nasa takin a lo danglam ta a,kan tuihnate a kangchat mek bawk a ni. Chuvang chuan, ramngaw humhalh kawngah te, thingphun uar lamah te, nungchate humhalh kawngah te Mizoten nasa taka tankan lak thar a tul a ni a ti. Pu H. Rohluna hian naktukah Biate MZP buatsaih Teachers' Day cum Cultural Programme a hmanpui ang. Minister hi Pu K. Lianzuala MLA, KVI Chairman-in a tawiawm a ni.