No.335/2021-2022

Kolasib dated 30th April 2021: Vawiin khan Supply Minister Pu K.Lalrinliana, Kolasib Assembly Constituency bialtu MLA ni bawk chuan Covid-19 hrileng thawh hnihna dona kalpui mek a state pawn atanga lo lut te endikna hmun, Bairabi Covid-19 Screening point a tlawh a, Pangbalkawn, Meidum leh Bairabi VLTF te kawmin a bial chhunga hmalakna ?henkhat a endik nghal bawk a ni.

Minister Pu K.Lalrinliana chuan PWD IB, Bairabiah VLTF hruaitute kawmin hripui leng dona kawngah Bairabi Covid-19 Screening point chu ram pawn atanga lo lutte endikna hmun pawimawh tak a nih avangin sawrkar pawhin a ngai pawimawh hle a ni, a ti. Screening point a Covid-19 positive hmuhchhuahte Covid Care Centre lam a phurh chhohna turin MLA fund atangin Ambulance a ruahman sak thu a sawi a, Medical team-te hnen a hlan turin a ?ul ang ang buaipui a nih thu leh peihfel ?ep a nih thu a sawi. Sawrkarin inkhaihhruaina a chhuahte ngai pawimawh a, hrileng darh mek tidarh zualtu ni lova vengtu nih tum zawk tur a mipuite zirtur turin Minister chuan VLTF te chu a chah a. Kum 45 hnuailam ten vaccine an dawn ve theihna turin sawrkarin theihtawp a chhuah thu Minister chuan sawiin tun a kum 45 chunglam vaccine la theihte chuan a hun tak a vaccine lak ngai pawimawh turin a chah bawk a ni.

Pu K.Lalrinliana chuan Bairabi Screening point a tlawh bakah hian Bairabi SDC Office sak mek a tlawh a, Meidum leh Pangbalkawna sawrkar hmalakna ?henkhat endikin Bairabia FCS&CA Godown sak thar tur a ruahman chu a endik nghal bawk a ni. Zero point leh Bairabi inkar kawng thawmthat hna chak zawk a kalpui a nih theih nan PWD a thawktute a kawm a, ramria duty Bairabi North leh South VLTF te hman turin cheng singkhat veve a hlan bawk a ni. Bairabi Screening Point duty-na hmun thawmthat dan tur a enpuinaah hian Minister chuan Screening point-a thuktuten hna tha tak a an thawh theih nan Air Cooler a ruahman sak tur thu a sawi bawk a ni.

FCS&CA Minister hi Pu ST Lalhmingmawia, DLAO, Pu HC Lallianzuala, DCSO, Pu Vanlalmuana, SDC, Bairabi leh Pu Hmingthanzuala, DIPRO-ten an tawiawm a ni.