FCS&CA Minister leh Kolasib A/C bialtu MLA ni bawk Pu K.Lalrinliana chuan vawiin khan Govt.Kolasib College week a hawng.

Khuallian chuan Govt.Kolasib College chu kawng hrang hrangin hma a sawn chho zel ani tiin college hmunhma pawh hmuh theihin a thangduang ani ati a, zirna chungchangah Science Block a awm theihnan hmalak mek ani tih a tarlang a, Commerce Stream chu Govt. CZ Higher Secondary School ah a awm theihnan hmalak chhoh tum ani bawka, a tahtawlin College lamah pawh hmalak chhoh dan tur ngaituah ani ang tiin result tha nei turin zirlai te chu theihtawp chhuah turin a fuih bawk a ni.

College week chu zirlai naupangte hun nghahhlel thin ani tiin week chu zirlai talent nei tha te tana inphochhuahna hun tha ani a, hemi bakah hian inpawhna thatak te a siam ani tiin week hlimawm tak hmang turin zirlai kalkhawm te chu duhsakna a hlan ani. Khuallian hian week a hman tur tanpuina sumfai a hlan bawk.