1391/2022-2023

Aizawl the 28th July, 2022 : Vawiin khan School Education Minister Pu Lalchhandama Ralte chuan MBSE Online Portal, MBSE Conference Hall, Chaltlang-ah a hawng.

Minister Pu Lalchhandama Ralte chuan khawvel thiamna leh hmasawnna in a ken tel 'MBSE Online Portal' hawn a ni chu lawmawm tiin, a thawkte chungah lawmthu a sawi a. Minister chuan zoram zirna hmasawnnan leh zirna kawnga tangkai zawk leh ram mipuite tana hna kan thawh theihna turin he online portal hi hawn a ni a ti a. Kan ramah zirna tha zawk hmansawnna rahbi chu NEP 2020 denchhenin chhawpchhuah mek a nih zel thu sawiin, School Education Department hnathawh langsang em em chu, a nawlpuiin covid kan hlauh zual laia MBSE thahnemngaihna avanga, HSLC leh HSSLC Examination Conduct kha a ni tiin, a hlawhtlinnana thawktu lo pen chhuak zawng zawngte chungah lawmthu a sawi a. Mizoram a zirna quality ti changtlung tur leh a nihna tak phochhuak theia Offline Mode a exam buatsaih a nih chu thawhhona tha tak a awm vang a ni a ti bawk a. Pandemic laia offline exam kan nei thei kha a vanneih thlakin, state dang te lakah pawh chhuang takin Minister hian sawrkar program pawimawh ah a tarlan thu a sawi bawk a ni.

Minister Pu Lalchhandama chuan mi thenkhat ten MBSE syllabus upgrade a tul lo maw ti a sawi te an awm thin a, Mizoram zirna syllabus hi India ram danga awm, CBSE te nen a in ang a ni, tih sawiin thawktute pawhin mipuite beiseina ti hlawhtling thei tura tan la leh zual sauh sauh turin a chah a. NEP 2020 kaltlangin India ram leh khawvel huapah pawh kan zirna chhawpchhuah tur hi level sang zawk a ni tih hria a, mipui beiseina sang tak hre reng chung bawkin, zirtir kawngah leh exam zawhna kalphung her rem chungchangah te uluk tak leh tunlai khawvel mila her rem zel a, heng schemes of examination tih danglam te, text book knowledge an neih nan te, a hun taka zirlaiten an pianpui finna an hman theihnana exam zawhna set te pawh kalpui chhoh zel a ni a ti a. Hmasawnna ruhrel tam tak zingah tun hnaiah MBSE Regional Office Lunglei-ah hawn a ni te, MBSE main building retrofitting tih mek te, bakah side extension sak a ni mek te chu thawktute remhriatna a ni a ti a.

Minister chuan vawiin a online portal hawn alo nih hian mipui te tan service tha zawk pe thei tura kan inbuatsaih a tul a ni tiin, inthuam tha zel turin leh data vawn that leh vawn him kawngah uluk taka enkawltu inruat a, hneh tak leh thahnemngaih taka vil turin a chahin, an kalzelna turah duhsakna a hlan a ni.

MBSE online portal domain hming hi mbseonline.com a ni a. A dedicated cloud hosting a hi Godaddy company atanga, Gen4 Ded Linux with cPanel lei niin, hei hian Intel Xeon 12-Core 24-thread, 64GB ram. 240GB SSD storage, Raid 1 configuration, UBUNTU Server leh DDoS Protection te a chhawm a ani.

He online portal siam tur hian programmer te rawih niin funding hi Samagra Siksha lam atanga hmuh a ni. MBSE online portal ah hian high school 767 leh higher secondary school 214 te registered vek tawh niin, school hming,address, school code, centre code, an district awmna, affiliate an nih leh nih loh te, centre school an nih leh nih loh te, an centre te tar lan vek ni tawh in, Directorate of School Education atanga permission an neih leh neih loh te tarlan vek tawh a ni a, school tin tan hian statistics tam tak a lo vawngtha thei dawn a, awlsam te in mahni school data a en zung zung theih dawn a ni.

Tun dinhmun ah hian mbse online portal kal tlang hian students registration hi MBSE office a kal kher ngai tawh lo in, school tinin online a registration ti tura zirlai bio data ngaite, an thlalak leh signature te thlengin an rawn upload thei tawh dawn a. Registration fee pawh hi online a pek theih vek tawh turin ruahmanna siamfel ani tawh a. Payment gateway atan PAYTM company nena inremna pawh ziahfel ani tawh a ni. Online a fee pek remchang lo leh harsatna noite tan zirlaite data upload hnua offline mode a fee pekna hi siamtel ani bawk a.

MBSE online portal ah hian hengte hi tih theih zel tura ruahmanna neih mek zel ani:
1. High School leh Higher Secondary School Examination form fill up leh fee
2. Integrated Evaluation System (IES) marks submit admit card issue te.
3. Mizoram Teacher Eligibilty Test (MTET) form fill up leh fee pek te leh
4. D.El.Ed Registration leh Examination form fill up leh fee pek.
5. Affiliation form form fill up leh fee pek.
6. Publisher leh textbook dealer fee.

Attachment

  • Loading attachment...