3693/2023-2024

Dated Serchhip, the 6th February, 2024: Vawiin chhun khan Sericulture Department Minister Pu Lalthansanga chuan Thenzawl a Pu C. Laltanpuia Muga Farm chu a hmunah a tlawh. Sericulture Minister hi Department a thawktuten tawiawmin Minister hnenah hian Muga hmanga Silk worm khawi dan te an lo hrilhfiah a ni.

Muga Silk hi khawvela silk man to ber a ni a. He Muga silk thar chhuak chi pangang vulh hmanga kut hnathawktute eizawnna siam sak hi Sericulture Department, Mizoram leh Central Silk Board hmalak mekna a ni a. Tunah hian Central Silk Board, Ministry of Textiles , Government of India kal tlangin Sericulture Department , Mizoram chuan Muga Project (Augmentation of Muga Culture in Mizoram) chhungkaw 500 tuam tur a kalpui tan mek a ni.

Vawiina Pu Lalthansanga’n Muga Farm a tlawhnaah hian Sericulture Department atangin Joint Director leh official dangte an tel a ni.

Fisheries Department changtu ni bawk Pu Lalthansanga chuan Thenzawl a Fish Broodbank ( sangha pui leh note tha siamna) siam mek chu vawiin vek khan a hmunah a enpui nghal a. Pradhan Mantri Matsya Sampada Yojana( PMMSY) atanga pawisa hmuh hmangin Thenzawl a Fish Broodbank hi siam a ni a. He Broodbank ah hian brooder pond pariat(8), Rearing pond pariat(8), nursery tank sawmhnih paruk(26), hatchery, office cum laboratory, Chowkidar quarter, inspection bungalow, store room leh thildang thawhmek a ni.

Tun dinhmunah hian hna hi 70% vel thawh zawh tawh niin, March 2024 chhunga zawh fel hman tum a ni. Minister chuan tha taka thawk a, ram rotling ngei tur siam chhuak turin thawktute a fuih a. Farmers ten sangha chi tha leh sangha pui tha an hmuh theihna tur atana tha taka thawka, tan la turin a fuih a ni.

Fisheries Minister Pu Lalthansanga hi Fisheries Department Director, Joint Director leh Department official dangten an tawiawm a ni.