664/2025-2026

Dated Serchhip, the 17th May, 2025: Minister Pu PC Vanlalruata, Tuikum Bialtu MLA ni bawk chuan Tlungvel Higher Secondary School, HSSLC pass tharte lawmpuina hun chu vawiin khan Tlungvel Higher Secondary School-ah a hmanpui.

Kum 2025 HSSLC Exam result chhuakah khan Tlungvel Higher Secondary School hian School naupang exam 27 zinga 25 ten hlawhtlinna an chang a ni.

Tlungvel HSS hi kum 2010, May Ni 4 a din niin, Board Exam vawi 15 an hmachhawn tawh a. Result pawh an nei tha hle thin a ni.

Board Examination result neih tawh dante:-

Pass chhuak tawh zawng zawng – 376

Distinction – 16

First Division – 147

Second Division – 151

Third Division – 62

Result pumpui (15years) % - 95.18% a ni.

100 % pass tawh zat – 8

Tun tumah hian zirlai 27 awmin: First Division ah 12, Second Division-ah 7 leh Third Division ah qn 6 pass a, 2 an fail a ni.

Minister Pu Vanlalruata chuan hlawhtling thar te lawmpuiin an hma hunah kawng thui tak zawh tur an la nei a, chumi atana inbuatsaih tur chuan a chah a. Hlawhtling rih lo te pawh beidawng lo turin a fuih a ni. Minister hian zirlai naupang pass tharte lawmpuinan lehkhabu leh pawisafai thahnem tak a pe bawk.

Vawiin Programme hi Management Board Chairman Pu. R Liantluanga VCP ni bawk in a kaihruai a, Board Secretary,Principal ni bawk Pu TC Lalremsiama’n report a pe a. Pu K.Lalmuankima, Management Board Treasurer-in lawmthu sawiin hun hnung a khar a ni.