Vawiin chawhma dar 10:30 khan Minister Pu R. Lalzirliana chuan a pisa thar New Secretariat Building, Khatla-ah a luah tan a. Ramhlun South Bialtu Pastor Bialvulmawia chuan hunserh a hmang a ni.

Minister Pu R. Lalzirliana chuan thu sawiin hun inher danglam zelah sawrkar thara ram hruaitu zingah a tel thei chu lawmawm a tih thu a sawi a. Department pawimawh tak tak a chan leh mipuite tan theihtawp chhuah chunga hnathawh ngei a tum thu a sawi a ni.

Minister hian Power & Electricity Department, Art & Culture Department, Land Resources, Soil & Water Conservation Department leh District Council & Minority Affairs Department a chang a. Pisa luahna inkhawmah hian a chhungte bakah heng department hnathawkte leh amah duhsaktu thahnem tak an tel a ni.