No.3502/2021-2022
Aizawl, 23rd December, 2021 :Nizan khan The Salvation Army, Behliangchhip Corps huaihawtin Salvation Army Complex-ah Coffee Nite hman a ni a. He hunah hian Pu Robert Romawia Royte, Sports and Youth Services Minister chuan a hmanpui.

Pu Robert-a chuan thusawiin, Salvation Army thalaiin Coffee Nite an buatsaih thin chu lawmawm a tih thu a sawi a. Chhandamna Sipai pawlin ringvai leh chanhaite tana nasa tak a, kawng hrang hranga hma a lak tawhna leh a lak mekna chu lawmawm a tih thu a sawi bawk. Sport Minister chuan Zampui tlang hi Zofate tana pal, defence line pawimawh tak a ni a; Tripura leh Mizoram inlaichinna siamtu a ni mek a. Inpawhtawnna kawngpui laih mek a tlang that hunah phei chuan Mizoram tana thlamuanpuiawm tlangdung a la ni dawn a ni tiin a sawi.

He hun hi Captain MS Dawngliana Commanding Officer-in a kaihruai a. Zaithiam tak takin hun an hmang a ni.

Attachment

  • Loading attachment...