No.1723/2021-2022

Aizawl 7th August 2021: Vawiin khan Tourism Minister Pu Robert Romawia Royte chuan Hnahthial-a Football field lai zaua phullem phah hna kalpui mek chu a hmunah kalin a enfiah a. A kosang laia leimin thin siamthat dan turte MSSC engineer te nen uluk takin an en ho a ni.

Sports Minister Pu Robert Romawia Royte chuan Hnahthial Field hi Rs 682.90 lakh a siam zawh tur a ni a,100% Central funding a nih avangin he project hi Mizoram sorkarin Tax leh Labour Cess sum tam tak hmuhnan a hman bakah Mizo tam takin hnathawh tur an neih phah a, field tha kan nei dawn bawk a, a hlep hlang a ni, a ti a. Sports Minister chuan sawrkarin district 3 hawn thar -Hnahthial, Khawzawl leh Saitualah te Football Field tha kuminah hawn vek hman beisei a ni a, hmundang 20 ah Mizoram Sorkarin phullem field tha a siam dawn bawk a ti a. Sports Minister Pu Robert Romawia Royte chuan Chief Minister zahawm tak Pu Zoramthanga kaihhruainain sports infrastructure hmangin Mizoram budget pawnlam atangin sum tam tak kan huilut a ni, a ti.

Hnahthial football field a tlawh zawh hnu hian Pu Robert Romawia hian Sports facilities nghah na tur hmun thenkhat a tlawh nghal bawk a ni.

Tourism Minister nibawk Pu Robert Romawia chuan Thenzawla Wellness Spa & Cafeteria sak zawh thar chu a taka function tir dan turte a en bakah Thenzawl Auditorium sak zawh thar a taka hman tangkai dan turte a hmunah a en nghal bawk.Thenzawl Golf Resorts tihchangtlung mek hnathawh dan enin hnathawh belh ngai laite Department Officers te nen an thlirho bawk a ni.Tourism Minister hian Hmuifang Tourist Resorts a Forest Pathway siam mekte leh Building repair hnathawhte enin Department Engineer te chu tha taka hna vila hna tha chauh pawm thin turin a fuih a ni.

Minister hi Pu V.Lalengmawia, Tourism Director leh Tourism Engineer-te,MSSC Engineer te leh midangten an tawiawm a ni.