Nimin Dt. 15.1.2009 khan Saiha bialtu M.L.A. leh Minister nibawk Pu S.Hiato chuan Lawngtlai East bial khaw thenkhat Lungzarhtum, Bualpui ‘NG’, Siachangkawn leh Lungpher khuate a tlawh. Heng a tlawhna khua te hian Minister hi an lo lawm hle a, khaw tinah ruaipui lo siamin Minister hi an lo hmuak a ni.

 

Amah lo hmuaktu mipui hma ah thu sawiin Minister chuan, mirethei, riangvai, chanhai leh pachhiate dawm kan chu kan sawrkar hian a hmalakna hmasa ber tur a ni tiin hengte hi kan V.I.P. turte an ni, a ti a, heng mite dawmkan hna thawk tur hian NLUP programme chu kan sawrkarin duang chhuak in Chief Minister zahawm takin a FUN in a rawn hawn dawn a ni, a ti. A sawi zelna ah Minister chuan kan sawrkar chuan hlemhletna umbo hi a tum ber a ni, a ti bawk. Minister chuan retheite huapzo sawrkar Pathian hnenah kan dil a, ch u kan dil chhanna chu tuna sawrkar thar lo piang hi a ni, a ti bawk.

Minister hi Lawngtlai East Bialtu M.L.A. leh Parliamentary Secretary ni bawk Pu H.Zothangliana’n a tawiawm a, Bialtu M.L.A. chuan thu sawiin amah thlangtlingtu mipuite hnenah lawmthu sawiin an harsatna te a hnena thlen thin tur leh a theih ang anga sutkian sak a tum thu a sawi a, mipuite chu hna thawk turin a chah a, an sawrkar chu Huapzo sawrkar a nih ang taka mitinte len theihna sawrkar a ni, tiin mitinte an leng vek a ni, a ti. NLUP chungchang sawiin kalphung thar turah Board neia fel taka enkawl a nih tur thu a sawi lang bawk.

Heng mipawimawh bialfang te hi nizan khan Saiha-ah an let leh a ni.