Vawiin chawhnu dar 2:00 khan Pu S.Hiato, Minister, PHE etc. chuan Saiha-a Integrated Child Development Services, Project Office a hawng. He Office hawnna inkhawm hi Pu Rotluanga, CDPO, Saiha chuan a kaihruai a, sawihawnna thu a sawi.
Minister chuan thu sawiin ICDS hi nu naupai leh naupangte enkawltu department a nih thu a sawi a, project thar hawn a ni thei ta chu a lawmawm takzet a ni, a ti bawk. ICDS hian mi chhumchhia leh kuttual leichham te enkawl leh khaichhuah hi a tum ber a ni, tiin heng mite hi mi pangngai a chherchhuah a tum a ni, a ti a, an hnathawh hi Pathian thu nen pawh a in hmeh a ni, a ti bawk. Naupang sawngnawi te pawh hriselna tha an neih theih nana enkawl hi an hna a ni tiin naupang ten hriselna tha an neih theih nan an nute kaihhruai pawh an hna a ni a ti bawk. Hnathawktute pawh inpekna leh rilru tak taka hna thawk turin a chah a ni.
Kaladan Multi Modal Project chungchang sawiin Minister chuan Kaladan lui hmang hian lawnga inkalpawhna leh insumdawn tawnna hawn thuai a nih tur thu a sawi bawk a, MW460 pe chhuak thei tur Power & Electricity Project pawh ruahmanna siam mek a nih thu a sawi.
NLUP chungchang sawiin mirethei leh chhumchhia te khaichhuahna tura duan a nih thu leh fimkhur taka Trade pawh thlan a ngaih avangin sawrkar pawh a fimkhur em em a, chuvang chuan tun maiah sem theih a ni rih lo a ni, Minister chuan a ti. PHE Department ten District chhung hmun hrang hranga an hmalakna te pawh a tarlang bawk.
He Project hawnna inkhawmah hian Pu S.Khipo, CEM, MADc pawhin thu sawiin Mizoram sawrkar hmalakna hrang hrangah lawmawm a tih thu a sawi a, ICDS Office hawn a ni thei ta chu lawmawm a tih thu sawiin nu leh naupang hrisel lo ten tangkai taka an hman theih ngei a beisei thu a sawi bawk a ni.
Pu P.L.Liandinga, Programme Officer, State Cell, Social Welfare Department chuan lawmthu a sawi.
He Project hawnna ah hian Aizawl, Lunglei, Lawngtlai leh Chawngte atangte in he department a thawk te an tel a ni.
Minister hian Fire Prevention Week hawnna inkhawm MTP Hall-ah a hmanpui nghal a ni.
Kaladan Multi Modal Project chungchang sawiin Minister chuan Kaladan lui hmang hian lawnga inkalpawhna leh insumdawn tawnna hawn thuai a nih tur thu a sawi bawk a, MW460 pe chhuak thei tur Power & Electricity Project pawh ruahmanna siam mek a nih thu a sawi.
NLUP chungchang sawiin mirethei leh chhumchhia te khaichhuahna tura duan a nih thu leh fimkhur taka Trade pawh thlan a ngaih avangin sawrkar pawh a fimkhur em em a, chuvang chuan tun maiah sem theih a ni rih lo a ni, Minister chuan a ti. PHE Department ten District chhung hmun hrang hranga an hmalakna te pawh a tarlang bawk.
He Project hawnna inkhawmah hian Pu S.Khipo, CEM, MADc pawhin thu sawiin Mizoram sawrkar hmalakna hrang hrangah lawmawm a tih thu a sawi a, ICDS Office hawn a ni thei ta chu lawmawm a tih thu sawiin nu leh naupang hrisel lo ten tangkai taka an hman theih ngei a beisei thu a sawi bawk a ni.
Pu P.L.Liandinga, Programme Officer, State Cell, Social Welfare Department chuan lawmthu a sawi.
He Project hawnna ah hian Aizawl, Lunglei, Lawngtlai leh Chawngte atangte in he department a thawk te an tel a ni.
Minister hian Fire Prevention Week hawnna inkhawm MTP Hall-ah a hmanpui nghal a ni.
