Vawiin khan Agriculture Department chuan Agriculture Conference Hall-ah Pu Lalram Thanga, Principal Secretary kaihhruaiin an Department changtu Minister leh Parliamentary Secretary thar lawmna hun an hmang.

He hunah hian Pu R. Lalzirliana, Agriculture Minister chuan, “Agriculture Department hi mi thiamte enkawlna hnuaia thawh chi a ni a, lo neiha eizawng tam zawk te hi thiamna nei lo an nih avangin Department-a thawktuten uluk taka enkawl leh kaihhruai an ngai a ni,” a ti.

Minister chuan “Agriculture Department-a thawktute hi Mizoram mipuite tana an mamawh thawktute an nih avangin mahni tan ni lo, mi dangte tanakanthawh avanginkanhnathawhte Pathianin mal a sawm ngei ang tih ka ring tlat a ni.  Politics-a hlauh neih avanga dik lo taka hnathawh hi a tha lo va, dik tak, thahnemngai leh rinawm taka hna in thawh chuan Sorkar pawh in lamah a tang zel dawn a ni” a ti a.  Langtlang taka hna hi thawk fo tur leh zep leh thup nei lo va hna thawk thin turin Department-a thawk kal khawmte a fuih a.  Convergence-a hna thathawh tlan a pawimawh thu sawiin thawhhona a that chuan tih theih loh a awm lo a ni a ti.  Term hmasaa Minister hna thawh tawhte theihtawp chhuahinkanchhunzawm zel ang a, kum 2012-a Department-in National Award “Krishi Karman Award’ a lo dawn tawh chungchangah lawmawm a tihthu a sawi a, kum 2013 chhunga he chawimawina dawng leh tura thlankanni leh pawh hi lawmawm a tiin thawktute thahnemngaihna leh inpeknaah lawmthu a sawi bawk.

Pu R. Lalzirliana chuan Research & Education pawimawhna leh tangkaina phawkchhuak zo tura hnathawh a pawimawh thu sawiin kawng hrang hrangah amah finchhuah fo tur leh thu dik chauh hrilh thin turin Department-a thawktute a chah a, tun kum thar hi Department-a thawktute tan kum thar lawmawm tak ni turin duhsakna a hlan nghal bawk.

 He hun kaihruaitu Pu Lalram Thanga, IFS, Principal Secretary, Agriculture chuan “Minister chak leh huaisenkannei hikanvannei takzet a, Parliamentary Secretary atan mipuitling, Army Officer hna lo thawk tawhkannei hikanvanneiin Department pawhin hmakansawn lehzual ngei ang” a ti a.  Agriculture Department-in National Award “Krishi Karman Award” February thlaaNagpur-a sem turah Minister hova an kal tur thu a sawi bakah hotute thudik hrilh thin hi thawktute mawhphurhna a nih thu a sawi bawk.

He hunah hian Dr. C. Lalzarliana, Director of Agriculture (Crop Husbandry) leh Pu C. Lalniliana, Director of Agriculture (Research & Education) ten Power Point hmangin Department hmalakna hrang hrang an entir bawk.

Agriculture Department hian January ni 6 khan kum 2014 atana Pathian hnena inhlantharna hun an lo hmang tawh bawk a ni.