552/2025-2026

Aizawl the 23rd May 2025: Vawiin khan khan Bharat Mandapam, New Delhi-a Northeast State 8 te tana Ministry of DoNER in a buatsaih Rising Northeast: Investors Summit 2025 ah Chief Minister Pu Lalduhoma chu a tel.

Summit hi Prime Minister, Narendra Modi an a hawng a. India hmarchhaka Investors te tana hmalak theihna awm te pho chhuah niin, Agriculture & Allied Sector, Food Processing, Textile, Handloom & Handicraft, Entertainment & Sports, Education & Skill Development, Healthcare, IT & ITES, Tourism & Hospitality leh Infrastructure & Logistics lam te chu an insawrbingna (focus sector) a ni.

He summit ah hian Planning & Programme Implementation Deptt kaihhruaina hnuaia Mizoram pawhin stall pakhat a hawng ve a. He stall ah hian Commerce & Industries Department leh Horticulture Department hnuaia Mizoram product hrang hrang te phochhuah a ni a, company lian investment ti duh tur awm te nen stall-ah hian inkawmna hun an hmang thin bawk. Mizoram atangin entrepreneur pali an thu ve bawk a, tlawhtu tam tak an nei tawh a ni.

Chawhnu lamah Chief Minister hian Union Minister of Jal Shakti Pu CR Patil a hmu a. Jal Shakti kaltlanga Mizorama hmalakna te an sawi dun a. Tlai lamah hian mi pawimawh tak tak hmuh tur a la nei bawk.