Sawrkar laipui Ministry of Micro, Small & Medium Enterprises,  leh World Vision India tangkawpte buatsaih kar 6 chhung awh Puanthui zirna chu vawiin khan LKK Self Help Group Tailoring Training Centre Bazar Veng, Lunglei-ah kharna hun neih a ni. He hun hi Pu Thanglunpaua Guite, Project Co-ordinator World Vision India, Chhimtuipui bial in a kaihruai a, thu sawiin he programme hi thalaite tana duan niin chhungkaw chawmna tlak eizawnna nei thei tura inzirtirna a ni a ti a, a bul tanna tur a thiam chhuak ten changtlung zawk leh tha zawka thawmhnaw an thui chhuah theihna turin an intah hriam reng a tul thu a sawi bawk.
 Vawiina Puanthui zir kharna hunah hian a zirna hmun pahnih Sensiari SHG Tailoring Training Centre leh LLK SHG Tailoring Training centre te hnenah  Certificate hlan an ni a, puanthui zir chhuak ta mi 24 te aiawh in lawmthu sawina hun hman a ni bawk. Lunglei District Self Help Group hnuai ah hian SHG 898 awm mekin heng zinga SHG 146 ten State Bank of India leh Mizoram Rural Bank atangin Cheng nuai za leh sing 9 zet  loan an la tawh a ni. 

Attachment

  • Loading attachment...