SIPMIU (NERCCDIP) chuan Aizawl khawpui chhunga Sewerage system siam hna an thawh mek chungchangah mipuite hriattur pawimawh a hnuai ami ang hian thuchhuah a siam.
Ek Thli tih thianghlimna tur Sewerage Treatment Plant chu SIPMIU, Aizawl hian Chite lui kamah a thawk mek a. Hetah hian Aizawl chhuahlama veng 19 atanga ek thli leh choka thlite lakhawmin tih thianghlim a ni dawn a ni. Tichiran, heng veng hrang hrang atanga ek thli luan thlakna tur pipe (sewer network pipeline) phum hna pawh thawkin Bethlehem Vengthlang, Bethlehem Veng, Armed Veng South, Chite Veng, part of College Veng, Tuithiang Veng leh Armed Vengah te chu phum a lo ni tawh a ni. October 17, 2016 zan dar 9:00 atang khan P&E Complex, Electric Veng bula tannin a hmar lam hawiin Electric Veng leh Chanmari Bus stand inkar (Lower Zarkawt kawngpui)-ah hetiang pipe phum hna hi thawh tan leh a ni. He lai hi Aizawl kawngpui lun lai ber pakhat niin a sir vela inpho leh mi veivak tamna hmun a lo ni bawk nen, mipui tibuai lo thei turin zan dar 9:00 leh zing dar 5:00 inkarah chauh hna hi thawh a ni a, dawr bungraw unload duh tan zing dar 5:00 leh dar 7:30 inkar ruat a ni a, chutiang ang chuan Superintendent of Police (Traffic) Aizawl pawhin thupek a chhuah a ni.
Hetiang pipe hi kawngpui laiah feet 3 vela thukah phum a ni a; a khat tawkin (metre 30 dan velah leh kawng kual lai zelah) man-hole dah zel tur a ni a. He hna hi harsatna dang a awm loh chuan ni 40 vel chhunga zo fel theih tura beisei a ni. Tin, heng hna thawh chhung hian Electric Veng, Zarkawt leh Chanmari Veng mipuite, helai kawngpui ana dawr neitute leh kawngsira inpho thinte leh anmahni dawrtute tan remchanlohna tamtak siam a ni tih hriat a ni a, amaherawhchu, he hna hi khawpui thianghlimna leh hrisel zawk a lo nih theihna tur leh mipui tana tangkai leh tha tur a nih bawk si avangin, a enkawltu SIPMIU Aizawl chuan he hnain a tihbuai zawngzawngte chungah an hriatthiamna a ngen a ni.
He hna thawh mek chungchanga harsatna emaw thu rawn emaw pe duh tan heng a hnuaia mite hnenah hian thlen turin kan inhriattir a ni e.
1) Miss Dorothy Laldinpuii, Social Development Officer - 9862538566
2) Mr. Lalramliana Varte, Public Relations Officer - 8414053105
3) Mr. Elisianmawia, Community Development Officer-9774583804
4) Mr. Ramdina, Public Relations Officer, Tantia Construction - 9485140521
