PWE Aizawl Road North Division ten Chaltlang Dawrkawn leh Hrangbana Residence, Chanmari via Laipuitlang inkar kawngpui resurfacing hna an thawh dawn avangin mipui te leh kawng siamtu turte remchan zawk nan a hnuaia mi ang hian ruahmanna siam a ni a. He kawngpui hmangtu mipui ten ngai pawimawh hram hram turin kan in ngenin kan in hriattir a ni e. Tin, hnathawh tih buai loh nan kawng sirah lirthei engmah hun (park) phal a ni lo.

Hetiang hian heng ni leh hmunah te hian 9:00 AM atanga 5:00 PM inkar chhungin kawng hi khar a ni ang.

Ni 27.1.2020 to 29.1.2020 - Chaltlang Dawrkawn leh Thirhrui ban kawn
Ni 30.1.2020 to 8.2.2020 - Thirhhrui ban kawn leh Pu Dunglena in
Ni 10.2.2020 to 22.2.2020 - Pu Dunglena in leh Hrangbana In, Chanmari

He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty te chetvelna a huam lo ang. A hmuna duty ten a tul dan a zirin ruahmanna an siam thei ang.