Mizoram State Sorkar Notification No.B.12021/10/04-TRP dt.22.8.2008 leh Section 115 & 117 of MV Act 1988 in thuneihna a pek angin Sr. S.P, Traffic Aizawl chuan a hnuai ami ang hian thuchhuah a siam.

PWD Aizawl Road North Division ten a hnuaia hmun leh hun tarlanah hian kawngpui siamthat hna an thawh dawn avangin kawngpui chanve khar/Block a ni dawn a, helai kawngpuiah hian fimkhur tak leh hnathawk te ngaichang chunga lirthei khalh turin mipuite hriattir leh ngen kan ni e.

1. Hrangbana College Bus Stand leh Axis Bank inkar - 9.2.2020 (Pathianni)
2. Bawngkawn Junction leh Chaltlang State Guest House inkar - 16.2.2020 (Pathianni)
3. Chanmari atanga Bawngkawn via Chaltlang - 9.2.2020 (Pathianni) atanga hna thawh zawh anih hma.

Tin, hnathawh tibuai thei turin kawngpui sirah lirthei leh bungrua dah/park phal a ni lo.

He thupek hian chhiatrupna thil kangmei leh emergency kaihhnawih a duty, dan leh thupek pawimawh bika Police leh Magistrate duty te chetvelna a huam lovang.