No.3913/2020-2021
State Disaster Management Authority, State Executive Committee Chairman Pu Lalnunmawia Chuaungo, Mizoram Chief Secretary ni bawk chuan vawiin August ni 7, 2020 hian a hnuaia mi ang hian thupek a ti chhuak:-
NH-306 leh NH-6 (Vairengte leh Aizawl inkar) bungraw phur motor driver leh handyman 18 te chu Rapid Antigen Test (RAT) hmangin COVID-19 positive an ni tih hmuhchhuaha ni a. Anni bakah hian Sethawn khua mipa naupang kum 12-a upa, driver-te nena inhnim hnai (contact) chu COVID-19 positive a ni tih hmuhchhuah a ni bawk a.
Driver leh handyman-te zingah leh mipui mimirah COVID-19 hi a tai darh a hlauhawm ta hle a. Chuvangin, driver leh handyman-te zingah leh Vairengte-Aizawl National Highway hnaivaia khawsa mipui zingah hri a darh zel lohna tura rang taka hmalak a tul ta a. He natna hri pudarh thei nia ngaihte an lo luh lo nan khuahkhirhna duan a lo tul ta bawk a ni.
Chuvangin, Chairman, State Executive Committee, State Disaster Management Authority chuan Section 22(2)(h) & 24(1) in thuneihna a pek angin mipui nitin mamawh (essential commodities) phur lirthei te chauh, driver leh handyman te Rapid Antigen Test an paltlang hnuah, Vairengte leh Kanhmun kaltlanga Mizoram luh phalsak an ni a. Mizoram luhka dang zawng zawng chu khar a ni.
Order even No. dated 31.07.2020 Clause B.4 & B.5 leh Standard Operating Procedure for Social Distancing khauh taka kengkawh turin Vairengte leh Aizawl inkar kawngpuiah helai bialtu District Adminstration chuan police englai pawhin an duty tir reng dawn a ni.
He thupek hi tun atanga thu leh awm hma chu hman tur a ni.
He thupek hian mPASS-ENTRY OF PERSONS, mcovid19.mizoram.gov.in hmanga Home Department, Government of Mizoram hnena inziaklut khualzin phur lirtheite a huam lo vang.
