No.527/2021-2022
Dr. Pachuau Lalmalsawma, State Nodal Officer, COVID-19 &
Leader,
State Field Laboratory Unit, IDSP chuan a hnuaia tarlan ang hian COVID-19 hri leng chungchanga mipuite hriattur ngenna pawimawh a siam :
1. Tun hnaiah COVID-19 dinhmun hre tura RT-PCR sample lak hnu leh result nghah laia mahni duh thu a Rapid Antigen Test (RAgT) hmanga lo in test nawn an awm thin avangin, mi pakhat atangin COVID-19 Positive result in thuah (double case) a awm phah thin a; hei hian COVID-19 result buatsaih leh tihchhuah kawngah harsatna lian tak a siam avangin COVID-19 RT-PCR result nghak laite chu pawn chhuak lova mahni awmna a lama tawm tura beisei an ni a, result an hriat hma chuan sample test dang ti rih lo turin kan ngen a ni.
Amaherawhchu, RT-PCR test result nghak lai, COVID-19 symptom neite erawh chuan inthlahrung lovin mahni awmna veng Task Force te hnenah in hriattir vat tur a ni a, a tul anga buaipui nghal zel an ni ang
2. Mahni bul hnai, hnathawhna leh hmun danga COVID-19 hri kai an awmin Primary High Risk Contact, COVID-19 kai ve mai thei dinhmuna dingten mahni, in lama chenpui leh kan hnathawhpuite himna turin mahni veng Task Force leh Sawrkar Contact Tracing Team atanga zawhna kan dawnte huaisen tak leh zep nei lova lo chhanga, tha taka lo thawhpui thin turin kan in ngen e.
3. India rama COVID-19 thawhhnihna (Second Wave) kal mekah state dang atanga Mizorama lo haw turte chu mahni awmna leh haw kawngah theih tawpa fimkhur turin kan in chah a; mahni awmna bula mite theuh pawh COVID-19 positive anga ngai khawpa Covid Appropriate Behaviour kan tih neia fimkhurna kawng nasa lehzuala zawh turin kan in ngen a; hei hi hmun dang atanga lo haw tur chhungte pawhin lo hriatpui ni se, rawn haw hmaa RT-PCR/TrueNAT/CB-NAAT hmanga in test kan nih chuan mahni result hre hmana rawn haw hram ni se.
