No.2887/2020-2020
Mamit 8th July, 2020 : National Highway 44A, Darlak Bailey Bridge chu PWD, Highway Division - I Mamit te'n Dt 12.7.2020 atang hian an thuam that dawn avangin lirthei bakah mihring pawh kal tlang a remchang dawn lova. Chuvangin Pu Shashank Jaiswal, IPS SP, Mamit chuan Motor Vehicle Act, 1988 ( Act 59 of 1988) Section 115 leh Mizoram Sawrkar Notification No. B. 12021/10/2004 - TRP Dt 01.06.2020 in thuneihna a pek angin Ni 12.7.2020 atanga 21.7.2020 chhung hian National Highway 44A, Darlak-a Bailey Bridge chu Lirthei bakah mihring tan kal/zawh khapna thupek a chhuah a ni.
Lei (Bridge) tha zawk kan neih theihna tur leh mipuite himna tur a nih avangin he thuchhuah hi ngaipawimawh theuh turin kan inngenin kan inhriattir a ni. Thupek bawhchhia chu u/s 179 MV Act hmanga hrem theih an ni ang.
