No.6001/2020-2021

Mamit 11th October, 2020 : Bairabi - Zamuang Road-a Teirei Bailey Bridge chu a foundation a chak tawk loh avangin lirthei lian chi-in a zawh chuan he lei (Bridge) tan hian a him tawk lo niin hriat a ni a. Chuvangin Pu Shashank Jaiswal, IPS, SP Mamit chuan Motor Vehicle Act, 1988 (Act 59 of 1988) Section 115 leh Mizoram Sawrkar Notification No. B.12021/10/2004 - TRP Dt 01.06.2020-in thuneihna a pek angin Bairabi - Zamuang Road-a Teirei Bailey Bridge chu lirthei TATA 407 chunglam (TATA 407 chin hnuailam tiam lovin) tan zawh khapna thupek a chhuah.

He thupek hian Dt 12.10.2020 atanga 12.11.2020 chhung a huam ang. Mipuite tana himna leh Lei (Bridge) tha zawk kan neih theihna tur anih avangin thupek zawm theuh tura ngen kan ni a. Thupek zawm lote chu u/s 179 MV Act hmanga hrem theih an ni ang.