No.6024/2020-2021

Mamit 12th October, 2020 : District Election Officer, Mamit District-in thu a dawn danin mimal tute'n emaw EPIC siam danglam leh EPIC lem a tak ang takin an siamchhuak thin tih hriat a ni a. Hetianga thil duhawm lo titute hian dan an bawhchhiat mai bakah voters te himna tur leh Election Commission of India-in dik leh thianghlim taka EPIC Scheme a lo kalpui thin dana voters te'n rinna an nghahna chu nasa taka an tihchhiat theih avangin pawi lian tham tak an khawih a ni.

Heng thil thleng duhawm lo avang hian Dr. Lalrozama, IAS, District Election Officer, Mamit District chuan thuchhuah siamin Sawrkar hriatpui loh leh dan lo anga Online emaw Offline emaw-a EPIC kaihhnawih reng reng mi tumahin an buaipui tur a ni lo. Dan bawhchhia-a hetiang thil duhawm lo khawihtute kan hria anih chuan dan anga hremna lekkawh anih theih nan a ranglama F.I.R thehlut tur leh F.I.R Copy chu District thuneitute hnena thlen turin Mamit District mipuite hriattir kan ni.