488/2022-2023
Aizawl, 13th May, 2022 : Pu C. Lalruaia, Superintendent of Police, Aizawl District chuan Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek angin a hnuaia tarlan ang hian thupek a chhuah.

PWD hnuaia PMGSY Road (PPC work) Hmuifang to Chawilung kum 2 (hnih) liam ta a thawh zawh tawh chu tunah hian road repair a lo tul leh ta, he road hi cement work hmanga repair tur a nih avangin hnathawh lai hian lirtheiin a chil hi a rem loh avangin leh hnathawktu ten tluang tak leh ngawrh taka an thawh theih nan May ni 17 – 23, 2022 chhung atan Hmuifang leh Chawilung inkar kawng hi khar a ni.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang.