1019/2023-2024

Mamit 4th July, 2023 : Bairabi - Zamuang kawnga Teirei Lei (Bridge) chu a innghahna (abutment) chhia siam that anih dawn avanga lirthei zawh phal lohna thupek SP, Mamit-in a lo chhuah tawh (vide No.SP/MMT/RO/72/2009/634 Dt. 8.6.2023) chu Lei siam zawh anih tawh avangin Pi Lalthangpuii Pulamte, SP Mamit District chuan Motor Vehicle Act, 1988 (Act 59 of 1988) Section 115 leh Mizoram Sawrkar Notification No.B.12021/10/2004 - TRP Dt. 01.06.2020 -in thuneihna a pek angin Bairabi leh Zamuang inkara Teirei Lei (Bridge) chu lirtheite tan zawh theih a ni tih hriattirna a chhuah a. Amaherawhchu, he Teirei Lei (Bridge) hi lirthei 15 MT aia rit phur tan zawh phal a ni loh bakah 10 km/hr aia chaka he lei (Bridge) ah hian lirthei tlan phal a ni lo tih thupek a chhuah a ni.

Lirthei khalhtute leh passenger te tana himna tur leh Teirei Lei (Bridge) hi a tlo zawk theihna turin he thupek hi zawm theuh turin mipuite ngen leh hriattir kan ni a. Thupek bawhchhia chu U/s 179 MV Act hmanga hrem theih an ni ang.