3741/2024-2025

Dated Aizawl, the 9th January 2025: Vawiin khan Mission Governing Council of Mizoram State Skill and Entreprenuership Development Mission te chu a vawi khat nan an chairman Pu Lalduhoma, Chief Minister hovin CM Conference Hall-ah an thukhawm.

Member Secretary, Pu Lalmalsawma Pachuau, Secretary, LESDE chuan Governing Council dinhmun leh mawhphurhna sawifiahna a nei hmasa a. Mizoram State Policy for Skill & Entreprenuership Development 2018 tihhlawhtlin nan sawrkar chuan Mizoram State Skill & Entreprenuership Development Mission (MSEDM) a din thar a. Vawiina thukhawm Mission Governing Council, Chief Minister Chairman na hnuaia mi hi MSEDM a thuneitu sang ber a ni. India ramah skill development hi mission anga kalpui chhoh mek a ni a, MSEDM chuan Mizoram sawrkar hnuaia skill development lam kalpui department te mumal leh lian tham taka mission pakhat hnuaia kalpui dan a dap dawn a ni.

Meetingah hian Labour, Employment, Skill Development & Entreprenuership Department, DAY NULM, MzSRLM, Mizoram Startup Mission leh Commerce & Industries department ten skill development an kalpui dan te an tarlang.

Meeting-ah hian Governing Council Vice Chairman Pu Lalnghinglova Hmar, Minister, LESDE, Pu Khilli Ram Meena, IAS, Chief Secretary leh member dang te an tel a ni.