Vawiin chawhma ah khan Aizawl Bawrhsap Pisa ah Mizo IAS officer retired tawh te leh sawrkar hna la thawk mek te chu an inhmukhawm in vantlang tana rawngbawlna kawng dap an rel a.

State tih hmasawnna tura an ngaihtuahna leh remhriatna te nasa zawka chhawr a nih theih nan pawl anga intelkhawm rel in an pawl danpui buatsaihtu tur pawh an inruat nghal a. An theihna te sawrkar leh mipui tana pek let chhunzawm ve theih dan rem chang nia an hriat kawng hrang hrang te meeting ah hian sawi ho niin Mizo thalai te IAS a inziak tling anlo tam zawk nan thlaite chawhphur dan tura ngaihtuahna seng theuh turin an in chah a. State Government Administration tha zawk a her rem tul hle a sawiin Mizoram tan IAS Cadre hran neih a nih theih nan pawh sawrkar theihtawp a thlawp an tum a ni.

IAS Officers meeting ah hian Chief Secretary Pu Lalmalsawma leh Aizawl Bawrhsap Dr.Franklin Laltinkhuma bakah IAS Officers, tuna hna la thawk mek te an tel tha hle a. Chief Secretary hmasa pahnih Pu Lalkhama leh Pu P. Rohmingthanga te pawh Mizo IAS Officers retired tawh te zingah hian rawn tel in an zavaiin meeting ah hian Mizo IAS 31 an tel a ni.