Naktuk 19.5.2011 chawhma dar 11 hian Chanmari YMA Hall-ah NEZCC leh Art & Culture Department Mizoram tangkawpin Seminar on Marriage and Dowry in Mizo Society (Mizo inneih dan leh thuam chhawn) a buatsaih dawn a. He Seminar ah hian thu leh hlaa tuimi tupawh tel turin an sawm a ni. Seminar paper chhiar zawhah sawihona neih a ni ang.

Pu P.C. Zoram Sangliana, Minister, Art & Culture Department chuan khuallian niin seminar hi a hawng ang a. Young Talented Artistes Award 2010 - 2011 a sem bawk ang.

Pu C. Chhuanvawra (Marriage and Dowry in Mizo Society before 1950) leh Pi Lalnipuii (Marriage and Dowry in Mizo Society after 1951 till date) paper buatsaih zirho a ni ang.