Chief Minister Pu Lal Thanhawla chuan ‘Mizo puantah (Handloom) te hi khawvelah a tha ber pawl a ni a, ram danga thawnchhuah tlak a ni’ a ti. He thu hi Mizoram Industry Expo – 2009, Focus on ‘Prospects for Economic Development of Mizoram’ tih thupui hmanga, vawiina Tourist Lodge, Chaltlanga neihah a sawi a ni.
Pu Lal Thanhawla chuan Confederation of Indian Industry (CII) in hetiang thil pawimawh tak Aizawla an rawn buatsaih hi lawmawm a tih thu a sawi a. An zarah leh Industrialist te zarah Mizoramin industry lamah nasa taka hma a sawn ve theih ngei a beisei thu a sawi a. Mizoram sorkar pawhin a theih chin chinah ke a penpui ang a ti. Industry din nan power a pawimawh avangin kan lui neihte hi kawlpetha pekchhuah nan hman tangkai vek anih tur thu sawiin,Tuivai Project, 210 MW pechhuak thei tur siam tur pawh nakum lamah a lungphum phum theih a beisei thu a sawi a. Tung chin chungchang sawiin, market nei sa anih avangin NLUP hnuaiah a chin chhuzawm dan ngaihtuah ala ni ang a ti bawk.
Chief Minister chuan rambuai avangin Mizoram chu state dangte aiin kum 20 zeta a hnufual bik thu sawiin, han umpha tur chuan kum 20 dang kan mamawh a ni a ti a. Ram hmasawnna kalsiam hi Five Year Plan 7th na atang chauha bultan anih thu sawilangin, kalkawng dik tawk lo zawh anih thin avangin, kan economy hnukin a tuar a. He sorkar thar erawh hi chuan kawng dik zawh a tum tlat dawn a ni a ti. Pu Hawla chuan economics lama hmasawnna hi Mizoram leilung ngei hmangin leh a mi chengte ngei hian chhawr se a duhthu a sawi a. Industry lama tuimi te hi training lam leh tul bik thil reng rengah CII hian ngaihtuah sak theih thin se tih a duhthu a sawi a. Lui tui hausakna kan neih bakah agriculture leh horticulture lama hausakna awmte haichhuaka, an awmna te chhinchhiaha, hmasawn nana technology tul hmanga sawngbawl an nih chuan hmasawnna chaktak kan nei thei a ni, Chief Minister chuan a ti a. He sorkar thar hian heting lam kawng hi a dap chho dawn a, all India huap, CII te FICCI te chu a tul ang tanpuina pe thei se tiin a sawm bawk a ni.
Pu Lal Thanhawla chuan horticulture leh mau hausakna kan neihte hi cottage leh industry tenau dang siam nan a hman tangkai theih thu sawiin, Bangladesh leh Myanmar ramte nena border trade neih theih anih atang khan agro-horticulture tharchhuah tam tak thawnchhuah anih thu a sawi a. Kumtina Mizoram kaltlanga ramdanga thil thawnchhuah hlutna chu kumkhatah Rs.18 crore a tlin thu a sawilang bawk a ni. Mau hausakna kan neihte puitham zawka hman tangkai anih theih nan, sorkar chuan Bamboo Processing Zone siam leh industry tih hmasawn nan Special Economic Zone din tul a tih thu Chief Minister chuan a sawilang bawk a ni. Hemi ah hian CII tanpuina beisei anih tur thu pawh a sawi nghe nghe a ni.
Expo inkhawm kaihruaitu, Subrata Niyogi, Dy Director General, CII chuan he hun hi Mizoramah a hmasa ber tum anih thu sawiin, India ram hmun hrang hranga buatsaih anih tawh thin thu te, state sorkar chu a tulnaah puih an in huam reng thu te a sawi bawk a ni.
He hunah hian Pu H. Liansailova, Minister for Agriculture etc leh Pu S.Hiato, Minister for Industries etc. te pawh telin technical session ah te an tel chho ve zel a ni.
Mizoram Industry Expo hi Union Ministry of DONER rawn bultum a ni a, Confederation of Indian Industry leh Mizoram Chamber of Industry tangkawpin an buatsaih a ni.
Chief Minister chuan rambuai avangin Mizoram chu state dangte aiin kum 20 zeta a hnufual bik thu sawiin, han umpha tur chuan kum 20 dang kan mamawh a ni a ti a. Ram hmasawnna kalsiam hi Five Year Plan 7th na atang chauha bultan anih thu sawilangin, kalkawng dik tawk lo zawh anih thin avangin, kan economy hnukin a tuar a. He sorkar thar erawh hi chuan kawng dik zawh a tum tlat dawn a ni a ti. Pu Hawla chuan economics lama hmasawnna hi Mizoram leilung ngei hmangin leh a mi chengte ngei hian chhawr se a duhthu a sawi a. Industry lama tuimi te hi training lam leh tul bik thil reng rengah CII hian ngaihtuah sak theih thin se tih a duhthu a sawi a. Lui tui hausakna kan neih bakah agriculture leh horticulture lama hausakna awmte haichhuaka, an awmna te chhinchhiaha, hmasawn nana technology tul hmanga sawngbawl an nih chuan hmasawnna chaktak kan nei thei a ni, Chief Minister chuan a ti a. He sorkar thar hian heting lam kawng hi a dap chho dawn a, all India huap, CII te FICCI te chu a tul ang tanpuina pe thei se tiin a sawm bawk a ni.
Pu Lal Thanhawla chuan horticulture leh mau hausakna kan neihte hi cottage leh industry tenau dang siam nan a hman tangkai theih thu sawiin, Bangladesh leh Myanmar ramte nena border trade neih theih anih atang khan agro-horticulture tharchhuah tam tak thawnchhuah anih thu a sawi a. Kumtina Mizoram kaltlanga ramdanga thil thawnchhuah hlutna chu kumkhatah Rs.18 crore a tlin thu a sawilang bawk a ni. Mau hausakna kan neihte puitham zawka hman tangkai anih theih nan, sorkar chuan Bamboo Processing Zone siam leh industry tih hmasawn nan Special Economic Zone din tul a tih thu Chief Minister chuan a sawilang bawk a ni. Hemi ah hian CII tanpuina beisei anih tur thu pawh a sawi nghe nghe a ni.
Expo inkhawm kaihruaitu, Subrata Niyogi, Dy Director General, CII chuan he hun hi Mizoramah a hmasa ber tum anih thu sawiin, India ram hmun hrang hranga buatsaih anih tawh thin thu te, state sorkar chu a tulnaah puih an in huam reng thu te a sawi bawk a ni.
He hunah hian Pu H. Liansailova, Minister for Agriculture etc leh Pu S.Hiato, Minister for Industries etc. te pawh telin technical session ah te an tel chho ve zel a ni.
Mizoram Industry Expo hi Union Ministry of DONER rawn bultum a ni a, Confederation of Indian Industry leh Mizoram Chamber of Industry tangkawpin an buatsaih a ni.
