No.1322/2020-2021  

Vawiin chawhma khan Dr H Lalthlangliana, Deputy Commissioner, Kolasib district chuan Telangana a mizoram mi leh sa tangkhang zanga (500) bawr vel lo haw mekte dawnsawn dan tur chungchangah Kolasib District inpuahchahna sawipuiin, a pisaah Kolasib District thuthar thehdarhtute a kawm.

Dr H Lalthlangliana chuan, Telangana atang hian Mizoram mi leh sa tangkhang mi 500 bawr vel chuan Pathianni zing dar 6:00 velah Bairabi Rail Station an thlen beisei a nih thu a sawi a, Rail station-ah hian Screening Point 10 hmanga endik an nih hnuah Meidum daiah RAT tih ngai te endik leh Bus a chuangte inchhiarchianna leh ennawnna neih a nih tur thu a sawi. DC chuan Kolasib District-ah Home Quarantine kalpui tum a nih loh thu a sawi a, mi 667 lenna Quarantine Facility hrang hrang 13 ruahman a nih thu leh State dang a tangkhang, Kolasib district mi leh sa lo haw tur te chu heng Quarantine Facility-ah te hian an len vek beisei a nih thu a sawi.

Eitur hi Rail Station an thlen rual hian an chhuk hma in rel chhungah pek nghal tur an ni ang a, anmahni phur tur hian Bus 32 ruahman a ni a, an awmna District hlat dan a zirin Bus hi Rail Station atangin chhuah an ni ang. Kolasib district mi leh sa 53 lo haw tur a beisei te chu Kolasib Quarantine Facility-ah dah a ni ang a, District dangte chu Liason Officer ruat theuh ten Kolasib district huam chin thleng an thlah ang a, District dang a mawhphurtute hnenah an hlan chhawng dawn a ni. Bairabi Rail Station-a lo haw te buaipuina a hnawmhnawk awmte uluk tak a sawngbawl turin Sanitation Team din a ni a, hnamdang Mizorama tangkhangte hawna tur leh eitur mamawh buaipui turin Stranded Migrant Workers Monitoring Team din a ni bawk. Bairabi rail station kaltlanga mizo tangkhang lo haw te an district pan a Bus a an kal lai hian Bairabi leh Zero Point (Saihapui peng) inkarah mihring leh lirthei eng chi mah kal phal a ni dawn lo a, mimal motor-a inlam phal a ni dawn lo bawk a ni.

Dr H Lalthlangliana chuan, Mizoram mi leh sa tangkhang lo haw te dawnsawn an nih chhung hian Sawrkarin lirthei leh mihring chet velna kawnga khapna a siam bak chu khaw bil emaw veng bil emaw a chetvel khapna dan siam lo turin VLTF/LLTF leh khawtlang hruaitute a ngen a, tangkhang lo haw te chu, a him chin atangin lawmna thu nen lo dawngsawng turin a ngen bawk a ni.