659/2025-2026

Aizawl the 16th May, 2025 : Mizo Territorial Army dinna tura hmalakna kal mekah vawiin khan Mizoram Sorkar hnuaia din, Coordination & Land Search Committee hmasa ber chu Chairman Lt. Col. Clement Lalhmingthanga hovin meeting neih a ni.

Hemi atan hian ni13.05.2025 khan Home Department chuan Coordination & Land Search Committee a din a. 

• Chairman-ah Lt. Col. Clement Lalhmingthanga, MLA.

• Member Secretary-ah Secretary, Home Department

• Members dangte chu Secretaries, GAD, Land Revenue & Settlement, Planning & Programme Implementation, Finance, Public Works Departments leh Director, Sainik Welfare & Settlement te an ni.

Meeting-ah hian hemi kaihhnawiha hmalak hrang hrangte sawiho a ni a. Territorial Army Company hnih-te temporary a an lo awmna tur, Aizawl leh Lungleiah hmun zawngin ruahmanna siam ni se; tih leh ,Territorial Army a tang turin mizo thalaiten hlawhtling taka an tihtheih nan ruahmanna hrang hrangte lo kalpui turin Mizoram Youth Commission beisei a nih thu leh a tul anga Sainik Welfare & Resettlement nen hma lo la tura tih chu hmalak chhunzawm nghal tur leh a langsar zual an ni.