No.2975/2021-2022

Aizawl, the 12th November 2021 : Mizo Thalai kumthara SSB Interview hmachhawn tur te tana Coaching buatsaihna turin MYC leh District Sainik Office, Aizawl te chuan November ni 11, 2021 khan MYC Chairman Office ah thawhhona thuthlung an ziak a, MYC aiawhin Dr Vanlaltanpuia MLA leh Chairman MYC ni bawk chuan hming ziakin, Maj. Rebecca Lalzarzovi Chhakchhuak (Rtd.) Aizawl District Sainik Officer in a ziak bawk a ni.

SSB Coaching Class hi 2-Assam Rifles hmunah neih niin, Assam Rifles te hian hmunhma a tul ang ang an lo buatsaih sak a. An Coaching Class neihna hmunah vawiin chawhma khan Chairman MYC chuan tlawhin heng Coaching class kal te fuihna hun a hmang a. Tunah hian mi 22 Coaching Class kalin kumthar lama Interview hmachhawn turin an inbuatsaih mek a ni.