257/2022-2023

Aiawl the 23rd April, 2022 : Vawiin khan MZP Conference Hall ah  "Lehkhabu chhiar hlutna" tih thupuia hmangin MZP chuan World Book Day pualin hun a buatsaih a. He hun hi Human Resource Development Board Vice Chairman Pu L.Thangmawia'n a hman pui.

Pu Thangmawia chuan hnam fing leh mifing apiangin lehkhabu hlut zia an hria a. Mizote zingah pawh mahni ina Library room nei hrang, lehkhabu chhiar tam leh ngai hlu mi tamtak an awm tawh a ni a ti a, heng lehkha chhiar taima te hriatna hi sawrkar, pawl hrang hrang leh khawtlangin mamawh niah kan chhawr thin hle a ni a ti.

Chief Minister Pu Zoramthanga'n HRD Board hnena Mizo Language Development Board(MLDB)  din a ni theih nana hmala tura a tih angin chak taka hmalak a ni a, tunah chuan MLDB din fel a lo ni ta a. He MLD Board in hna a thawh theih hunah chuan Mizo tawng humhim leh tih hmasawn mai piah lamah Zofa hnam hrang hrangte tawng tih hmasawnnan a thawk dawn a, chuvangin Mizo hnam hrang hrang te tawnga ziak lehkhabu a pun phah hle dawn a ni a ti a. Hun kaltaa Mizo History ziak tam tak te Aizawl leh Lusei laimu(centric) behchhana ziak atam avangin Zofa hnam hrang hrang ten an pawm lo fo thin a, MLD Board lo piang hian Mizo History thlengin hmel thar min hmuh tir ka bei sei a, chutiang a thlen theihna turin thangthar zawk ten Mizo hnam zawng zawng huap zo tura kan History te kan chhui a, kan ziah a tul hle a, chutianga hmala tur chuan Mizo thalai lehkhathiam tak tak te leh Historian te ka ngen che u a ni a ti.

MZP in lehkhabu pawimawh zia hriaa hetiang hun a buatsaih chu lawmawm a tih thu a sawi a. Programme buatsaihtute  hnenah Rs 10000 a hlan nghal bawk.