4584/2025-2026

Aizawl; the 24th February, 2026: Vawiin khan MAMB chuan Mizoram hmar lam district 7:Aizawl,Serchhip,Champhai,Kolasib,Mamit,Khawzawl leh Saitual district-a District Agricultural Marketing Committee (DAMC) member te, Secondary Collection Centre(SSC) puipa te leh Society hruaitute te tan inrawnkhawmna hun, 'consulative meeting on thlai thar market' chu I &WR Auditorium, MINECO-ah a buatsaih.

Vawiin inrawnkhawmna meeting hi Pi Ramdinliani, Secretary, A&FW Dept. & Member Secretary, MAMB chuan kaihhruaiin, Dr.KC Lalmalsawmzauva,Adviser to CM (HHP) & Co-Chairman, MAMB chuan consultative meeting khuhhawnna hun hmangin, PPT hmangin thlai thar lei leh hralh chungchanga Sawrkar thiltum ( Visions and Objectives)  kalkhawmte hrilhhriatna hun a hmang bawk.

Dr.Lalmalsawmzauva chuan MAMB in sawhthing rate a siamna chhan sawiin,  nikum lamah DAMC/SCC kutah kan dah a, an hralh hman lo hlau khan an intih hniam siak ta vak mai a, sumdawng lam an fing si a, an duh ang angin min chingkual a, chuvangin MAMB  chuan India rama Mandi hrang hrang sawhthing rate en chungin, Buyer leh Seller tana hlawk ve ve turin rate rawn khaikhawm ta a ni. MAMB in Sawhthing rate a siam hi sawrkar sum ren vang emaw, a sen hreh vang a ni ngawt lo, Sumdawng ten duh duha a rate min control hi tih bo kan duh vang a ni, a ti.

Pu Lalhmingmuana, Managing Director, MAMB  chuan Secondary Collection Centre  (SCC) kalpui dan tur leh enkawl dan tur Standard  Operating  Procedures(SOP) for SCC sawifiahna hun a hmang.

Vawiin inrawnkhawmna-ah hian  sawhthing rate (Reserved Price) siam dan turte leh Thlai thar lei leh hralh kaihhnawih thil pawimawh hrang hrang khunkhan taka sawiho  a ni hnuah Pu Zohmingthanga, Member, MAMB chuan vote of thanks sawiin hun a khar ta  a ni.