Mizoram Bamboo Day ni 03.03.2012 a neih tur chungchangah Organising Committee chu ni 07.02.2012 khan Aijal Club ah tluang taka neih a ni. Organising Committee ah hian Commissioner, Industry Departmetn Chairman na hnuaiah member hrang hrang officials - Environment & Forests, Information & Public Relations, Tourism, Art & Culture Department te, CYMA, MJA, MHIP leh MUP President te an tel a ni.

Mizoram Bamboo Day ni 03.03.2012 ah Aizawl ah ropui taka hman tur a ni a, hetah hian May atanga thilsiam chi hrang hrang pholanna dawr 30 chuang hawn a ni ang. Mau chungchanga mipuite hriattur pawimawh tak tak sawihona Symposium neih a ni dawn bawk a ni. Entirsiakna leh hralhchhuahna ah hian Mizoram hmun hrang hrang bakah State pawn atangin engemawzat lo kal tura beisei an ni. Heng Exhibition hi Chapchar Kut ni ah hawn tan a ni ang a, Symposium leh a kharna chu a tukah ropui taka neih tur niin Pu Lal Thanhawla, Chief Minister chu khuallian a ni ang. He symposium ah hian State pawn atangin mau leh a sawngbawl dan te, a hralhchhuahna lampangte leh sum leh pai a tanpui theihna tur kawng kawhhmuh thei mithiam rual 5 lo kalin thusawina hun an hamng ang. Zoram chhung ami te pawhin thusawina hun an nei bawk ang. Symposium hi Assembly Secretariat Annex office ah neih a ni ang a, Exhibition chu Soil Department office hnuai (Tennis Court chhak) leh Aijal Club-ah te neih a ni ang. Heng Symposim leh Exhibition te hi Zoram mipui zawng zawngte tan tel ve leh a thlawna en theih a ni ang.

He hun denchhen hian a hnuai ami ang hian lawmman siam a ni a, a kharna hunah sem a ni nghal ang.

1) Mau hmun nei tha ber khua : 1st Rs. 1,00,000/- ; 2nd Rs. 50,000/-; 3rd Rs. 30,000/- 2) Mau humhalh kawnga campaign nei tha ber YMA Branch : 1st Rs. 30,000/- ; 2nd Rs. 20,000/- ; 3rd Rs. 10,000/- 3) Best Bamboo Enterpreneur (mipa leh hmeichhia) : Rs. 50,000/- each 4) Innovative Bamboo Products : Rs. 10,000/- 5) Best Artisan : Rs. 10,000/- .

Heng lawmmawn dawng thei tur anga in ngai te chuan Member Secretary/Conservator of Forest, Central Circle hnenah ni 25.02.2012 aia tlai lovah ziaka report thehluh tur a ni.

Zoram mipui zawng zawng tangkaipui theih ngei tura he Day hi hman tum anih avangin he hun chhim tur hian mi zawng zawng tel tura sawm an ni.