Vawiin khan Mizoram Bharat Scouts & Guides Vice President zinga pakhat ni turin School Education Minister Pu H. Rohluna chu a Office Chamber-ah lakluh a ni. He lakluhna inkhawm hi Pu Lalzirmawia Chhangte, State Chief Commissioner-in kaihruaiin, Rev. Dr. C.L. Hminga, Vice President, Mizoram Bharat Scouts & Guides chuan Scout Movement a member ni turin Minister chu a lalut a, Badge leh Scarf pek nghal a ni.

Minister chuan Mizoram Bharat Scouts & Guides Vice President atan a lakluh a nih chu lawmawm a tih chu sawiin, thawhhona tha tak an neih theih zel a beisei thu a sawi a. Scouts & Guides in a thil tum - midangte tana inpek leh inring renga awm te chu khawtlang nunah a pawimawh hle a ni tiin, mahni mimal himna leh hamthatna ringawt ngaihtuah lova, midangte tanpui hi mitin ten kan tih tur makmawh a ni, Minister chuan a ti.

Vice President lakluhna inkhawm hi Scouts & Guides State Council Member ten an tawiawm a ni.