Vawiin khan Special Campaign, "My Earth My Duty" tih hnuaia Border Security Force (BSF) hmalakna ah Mizoram ramri dep hmun hrang hranga BSF-te chuan thing 2500 chuang an phun a.

"My Earth My Duty" campaign hawnna puala inkhawm hi Pu U.M. Subramani, DIG, Sector Headquarters(SHQ) hovin SHQ hmun, Dutlang ah SHQ BSF leh BSF Composite Hospital a thawk ten an huaihawt a. He hunah hian SHQ BSF leh BSF Composite Hospital a thawk te chuan thingtiak 100 chuang an phun bakah , thingphun pawimawhnate inkawhhmuh in kan chenna khawvel environment chhe mek siam thatna kawnga ramhmul leh ngam ngaw siam a tangkaina te an inzirtir a ni.