No.5464/2020-2021 

Health & Family Welfare Department chuan nimin khan a hnuaia tarlan ang hian thupek thar an tichhuak.

September ni 24, 2020-a  Minister, Health & Family Welfare Department hova meeting neihin a rel angin Mizoram chhunga Government/Community/Hotel Quarantine Facility-a awmte inkaihhruaina hnuaia mi ang hian siam a ni.

He inkaihhruaina hi Notification tih chhuah ni atanga thu leh awm hma chu hman tur a ni ang.

1. Quarantine-a awm chhung hian Health Department-in inkaihhruaina a siamte chu tha taka zawm tur a ni. Mask vuah, kutsil ngun, hand sanitizer hman, social distancing leh invenna dangte quarantine chhung hian uluk takin an vawng tur a ni.

2. mCOVID-19 leh Aarogya setu app ah in register vek tur a ni.

3. Quarantine chhung hian Quarantine tan ni atanga ni 5-10 inkarah swab sample lak tur a ni a, test result chhuah hma chuan uluk takin an in quarantine chhunzawm ngei tur a ni.

4. Test result a chhuah a, a negative chuan quarantine chhunzawm a ngai tawh lovang a, a hna pangngai a thawk chhunzawm thei tawh ang. Amaherawh chu, mahni hriselna inchik (self monitoring) chhunzawm reng tur a ni a, invenna uluk taka kalpui chhunzawm zel tur a ni.

5. Quarantine zo tawh te chu bialtu Chief Medical Officer-te'n Quarantine Completion Certificate an siam sak thin ang.

6. Mi tupawh in quarantine laia Covid-19 signs & symptoms nei erawh chu ni 5-10 nghak kher lovin, a rang thei ang bera swab sample laksak tur a ni.

7. Hriselna lama harsatna neite tan heng Covid Helpline ah hian thu a thlen theih reng a ni - Phone nos – 102 / 0389-2323336 / 0389-2322336 / 0389-2318336.

He Notification hian hemi chungchanga Notification lo tih chhuah tawh vide No.D.33011/21/2020-HFW/(nCOV)/Vol.I dated 30.06.2020 a luah lan ang.