COVID-19 Inkaihhruaina 18 feb 22 - Mizo.pdf
Aizawl the 18th February, 2022 : Mizoram-a COVID-19 hri leng mek dinhmun thlirlet niin Covid-19 dinhmun hian ziaawm lam a pan hret hret niin hriat a ni a. Ministry of Health & Family Welfare, Govt. of India chuan 15.02.2022-ah India ramah Covid-19 dinhmun a lo ziaawm zel thu leh inkhuahkhirhna te ti kiam hret hret turin State Sawrkar te a hriattir a. Covid-19 dona kawngah hian mihring eizawnna leh mihring nunphung nghawng nasa lo zawnga kalpui turin a hriattir bawk a. Chuvangin, Mizoram chhungah COVID-19 hri darh zel tur venna inkhuahkhirhna awm mek hi tlem a inthlahdul hret tul a hriat a ni a.
Pu J.C Ramthanga, Chairman, State Executive Committee chuan Disaster Management Act, 2005 hnuaia Section 22(2)(h) & 24 (l)-in thuneihna a pêk angin a hnuaia inkaihhruaina tarlante hi thuleh awm hma atana hman nghal turin February ni 18, 2022 hian a tichhuak.
A. AMC AREA CHHUNGA INKAIHHRUAINA
Hemi hun chhúng hian loh theih loh thilah lo chuan pawn chhuah leh inlenpawh loh tur a ni. Building khata in hrang hrang luahte pawh intlawhpawh loh tur a ni.
Deputy Commisioner chuan Health & Family Welfare Department-in Covid-19 hrileng laka invenna tur inkaihhruaina Operational Guideline for Containment and Surveillance Plan of Covid-19 a chhuah thin te chu uluk taka kenkawh a nih theih nan hma a la tur a ni.
Hemi hun chhunga inkaihhruaina chu a hnuaia tarlan ang hian kalpui tur a ni.
Sl. No. | Activities | Kalpui dan tur | |||
1
| 1. Zirna In | Class X leh XII board exam turte chu School Education Department thuchhuak angin CAB ṭha taka zawm chungin school leh hostel hawn phal a ni. Hemi atana hman tur SOP chu School Education Department-in a ruahman ang a, zirtirtu leh sikula hnathawkte chu COVID-19 vaccine full dose la vek turin hma a la bawk ang.
Class I aṭanga class IX leh pawl XI zirlai te tan sikul leh hostel khar a ni ang a, online-in class lak chhunzawm a ni ang.
Higher education Institute, College leh University te chu online a kal chhunzawm tur a ni. | |||
2. Training Institutes | A hmuna leng zat chanve (50% seating capacity) luah khatin hawn phal a ni. | ||||
2 | Board Exam, recruitment exam, adt. | CAB uluk taka zawm chungin neih phal a ni. | |||
3 | Sakhaw Biak In leh Inkhawm | 1. Biak In-a leng zat chanve (50% seating capacity) aia tam lovin chhun leh zanah Kohhran Inkhawm pangngai neih phal a ni a, zing ţawngţai inkhawm pawh phal a ni.
2. Kohhran Inkhawmpui chu chhun lamah chauh neih phal a ni:
a) Inkhawmpui neihna hmun Biak In-a leng zat chanve (50% seating capcity) tel phal a ni. b) COVID-19 symptoms neite chu Inkhawmpui-ah hian tel loh tur a ni.
c) Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se.
3. Hripui darh theihna tur ven nan, a theih chin chinah, hla/ rimawi thun (record) sa te play tur a ni a, zaikhawm, zaiho leh zaipawl hla sakho te khap a ni.
4. CAB khauh taka kenkawh leh zawm tur a ni. Kohhran-in LLTF te phungbawma sawmin CAB/ SOP Implementation Committee an din ang.
5. Inkhawmna leh Inkhawmpuiah te hian ei leh in sem phal a ni lo. | |||
4 | Inneih inkhawm leh Mitthi Vuina | Phal a ni.
Inkhawm neihna hmun-a leng zat chanve (50% seating capacity) aia tam lovin phal a ni Ei leh in sem phal a ni lo. | |||
5 | 1) Picnic spot | Hawn phal a ni. | |||
2) Movie Theatre | A hmuna leng zat chanve (50% seating capacity) aia tam lovin hawn phal a ni. | ||||
6 | Public park, Swimming pool leh Sahuan (Zoo) | Hawn phal loh. | |||
7 | Sports practice (indoor & outdoor) | Phal a ni. Indoor-ah mi 20 aia tam lo leh outdoor-ah mi 50 aia tam lo. Sports practice-ah COVID-19 symptom neite an tel tur a ni lo. | |||
8 | Zing/Tlai walking leh cycling exercise | 1. Phal a ni. Amaherawhchu. mi panga (5) aia tam walking/cycling-a chhuahho phal a ni lo.
2. Aizawl khawpui chhunga Open gymnasium te chu khar tur a ni. | |||
9 | Sports inelna, tournament, adt. (indoor & outdoor) | Entu awm lovin phal a ni. | |||
10 | Beauty parlour leh Spa | Hawn phal a ni. A dawrtu tur ten appointment an la hmasa tur a ni. Dawr chhungah innghahkhawm phal a ni lo | |||
Gym | Heng kaihhruaina zawm hian hawn phal a ni:
a) Hmanrua leh equipment uluk taka tihthianghlim (sanitize) reng tur a ni.
b) Heng hmunah te hian ṭum khatah mi leng zat chanve aia tam awm phal a ni lo.
c) Customer ten CAB uluk taka an zawm theih nan a neitu/nghaktu ten ruahmanna an siam tur a ni. | ||||
Lu mehna dawr (Hair cutting salons/ Barber shops) | |||||
11 | Mipui punkhawm-anniversary, birthday, adt. | Khap a ni.
Amaherawhchu, sawrkar phalna la-a National/ State level programme pawimawh te chu huaihawt phalsak a ni thei ang a, a hmuna leng zat chanve (50% capacity) emaw mi 50 aia tam lo (a tlem zawk zawk) ṭum khata punkhawm phal a ni.
Hripui darh theihna tur ven nan, a theih chin chinah, hla/ rimawi thun (record) sa te play tur a ni a; zaikhawm, zaiho leh zaipawl hla sakho te khap a ni. | |||
12 | Lui kal, trekking, hiking, adventure sports, adt. | Phal a ni. | |||
13 | Construction works (mimal, leh sawrkar hnathawh) | Phal a ni. | |||
14 | MGNREGA, MPLAD, MLALAD, SIPMIU, Smart City | Phal a ni. | |||
15 | Quarry, kawng laih, lei dawh, adt. | Phal a ni. | |||
16 | Huan, lo, sangha dil, ran vulh, adt. | Phal a ni. | |||
17 | Hospital, nursing home, clinic, laboratory, Blood donation leh blood bank | Phal a ni. | |||
18 | Child and women helpline service, OST center, OSC, ART centre | Phal a ni. | |||
19 | Nau pai, nausen pawmlai leh naupang te hnena nutrition (chaw ṭha) sem bakah nutrition sem tur godown aṭanga phurh chhuah leh sem darh | Phal a ni. | |||
20 | COVID-19 vaccination leh immunization programme dangte, ambulance service | Phal a ni. | |||
21 | Animal disease control programme, Veterinary hospital, dispensary, clinic, AI, Zoo, hatchery, Feed mill/Ran chaw leh Slaughter House | Phal a ni. | |||
22 | Bank, Non-banking financial institutions, insurance, ATM, post office leh postal services | Phal a ni. | |||
23 | Petrol/Diesel filling station leh LPG distribution/ godown | Phal a ni. | |||
24 | Dawr bungrua leh zawrh thil dahkhawmna/godown | Phal a ni. | |||
25 | FCS&CA Department/FCI hnuaia godown | Phal a ni. | |||
Fair Price Shop (ration dawr) | FPS (ration dawr) te chu LLTF ten ruahmanna an siam angin hawn a ni ang. | ||||
26 | Bawnghnute sem leh lakkhawm, chanchinbu sem | Phal a ni. | |||
27 | Private security service | Phal a ni. | |||
28 | Print & electronic media, telecommunication, internet service, broadcasting leh cable service | Phal a ni. | |||
29 | Sanitation & solid waste management (hmunphiat leh bawlhhlawh paih te huamin), septic tank service (ek paih) | Phal a ni. | |||
30 | PWD, P&E leh PHE hnuaia operation & maintenance hna leh mimal tui chawite | Phal a ni. | |||
31 | Bungraw load leh unload hna | Phal a ni. | |||
32 | Kawng laka lirthei chhia siamtute. (Hei hian automobile dealer leh workshop hnathawkte a huam ang). | Phal a ni. | |||
33 | Courier service, e-commerce leh home delivery. State pawn leh State chhunga dawrkai leh sumdawngte bungrua, State chhunga thar/siam chhuah tiamin, online emaw phone hmanga order lawk sa te pek (home delivery) leh e-commerce | Phal a ni. | |||
34 | Ina thil siam (home based industry) -carpentry, steel fabrication, bakery, puan thui, puan tahna, adt. | Phal a ni. | |||
35 | Damdawi Dawr | Hawn phal a ni. | |||
36 | Hawkers stall | Hawn phal a ni. | |||
37 | Thlai chi/ thlai ṭiak leh Agriculture/ Horticulture kaihhnawih bungraw zawrhna | Hawn phal a ni. | |||
38 | Tourist Lodge, Hotel, Homestay leh khualbuk dangte | Hawn phal a ni. | |||
39 | Restaurants | A hmuna leng zat chanve (50% seating capacity) aia tam lovin hawn phal a ni. | |||
40 | Eichawp dawr |
Hawn phal a ni
| |||
41 | Bazar leh Dawr | Hawn phal a ni | |||
42 | Mizoram Sawrkar Office-te |
1. Group A & B Officers Head of Department/Head of Office ten hripui leng kara CAB leh social distancing kenkawh a nih theih dan tur hre reng chungin office kai dan tur an ruahman ang.
2. Group C leh D staff te chu a chanve (50% attendance) zelin an inkalchhawk ang a, a kal lo zawng chu in lam aṭangin online mode-in hna an thawk ang. Hei hian essential duty leh emergency services lama officer leh staff te a huam lo ang. An kal dan tur ruahmanna chu Department Secretary tin ten an siam ang.
3. Pianphunga rualbanlo te leh nu nau pai te chu office kai lo tura ngaihhnatthiam an ni ang a, amaherawhchu, a ṭul dan azirin in lam aṭangin office hna an thawk ṭhin ang (work from home).
4. Phalna / dilna la lawk lovin office tlawh/ dawr phal a ni lo.
5. Thuleh awm hma chu Minister te public interview khar hrih a ni.
6. Department hotu ten office kawtkaiah kut silna tur leh tihthianghlimna (sanitizer) tur an dah tur a ni.
7. Department / Office hotute chu an office leh a chhehvel tihthianghlim leh faina kawngah mawh an phur ang.
8. Office kai lote chu Deputy Commissioner-in Executive Duty turin a ruat thei ang.
9. A theih chin chinah meeting reng reng chu VC mode a tih thin tur a ni.
NOTE: Essential duties/ emergency services te chuan heng Department te hi a huam ang
Home, H&FW, Police, Home Guards & Civil Defense, Fire & Emergency Services, Disaster Management, District Administration, Civil Aviation, Prisons, Excise & Narcotics, Municipal Services, Forest Field Works, PHE, I&PR, P&E, FCS&CA, IF&SL, ICT leh NIC. | |||
43 | Office dangte | Mizoram Legislative Assembly Secretariat chuan an kal dan tur an ruahman ang. Central Sawrkar office te leh Central PSU te chu Central Sawrkar thuchhuak angina ang kal ang. | |||
44 | Court leh Judiciary | Gauhati High Court (Aizawl Bench) leh a hnuaia Court te chu High Court-in ruahmanna a siam angin an kal ang. | |||
45 | Kohhran/sakhaw hrang hrang office | Hawn phal a ni. | |||
46 | Private company/ office - consultancy services, adt. | A chanve (50% attendance) zela inkal chhawkin phal a ni. Office leh a chhehvel tihthianghlim leh faina kawngah mawh an phur ang. | |||
47
47 |
Lirthei tlân dan
Lirthei tlân dan | Aizawl khawpuia intlanchhawk ṭhin dan pangngai a hnuaia tarlan ang hian kal tur a ni ang a, SP (Traffic)-in Order a chhuah ang.
1. Public Transport Vehicle (City Bus, Taxi, 2-wheeler taxi leh adt.) leh Bungraw phur motor te chu a ngai angin an tlan ang.
2. Sawrkar leh Mimal lirthei (two wheeler telin) tlan dan tur chu hetiang hi a ni ang:
a) Thawhṭanni: 1&2-a tawp tlan phal loh.
b) Thawhlehni: 3&4-a tawp tlan phal loh.
c) Nilaini: 5&6-a tawp tlan phal loh.
d) Ningani: 7&8-a tawp tlan phal loh.
e) Zirtawpni: 9&0-a tawp tlan phal loh.
f) Inrinni, Pathianni leh public holiday-ah chuan lirthei zawng zawng tlan phal vek a ni.
3. Commercial vehicle (City Bus, Taxi, 2-wheeler taxi leh adt.) driver leh handyman ten heng inkaihhruainate hi uluk takin an zawm tur a ni:
a) Lirthei ṭhutphah leh a chhungte tihthianghlim zin tur a ni a, lirthei chu fai taka vawn reng tur a ni. Hnathawhna hmunah mask/ hmai tuamna an vuah reng tur a ni. Passenger-te hman tur hand sanitizer an pai reng tur a ni.
b) COVID-19 vaccine full dose la tura ngen leh beisei an ni.
c) Lirtheiah te hian registration-a seating capacity tarlan bak chuan phal a ni lo.
d) Bus-ah ding an awm tur a ni lo. | |||
4. A chunga activities hrang hrang tarlanah te hian hrileng laka kan him theih nan hmun tinah CAB/SOP uluk taka zawm tur a ni a. A kenkawh lamah mawhphurtuten uluk takin hma an la ang.
B. AMC AREA PAWN INKAIHHRUAINA
Local Restrictions:
1) Deputy Commisioner chuan Health & Family Welfare Department-in Covid-19 hrileng laka invenna tur inkaihhruaina Operational Guideline for Containment and Surveillance Plan of Covid-19 a chhuah thin te chu uluk taka kenkawh a nih theih nan hma a la tur a ni.
2) Thil ṭul dang a awm chuan, Deputy Commissioner (DC) ten an District chhunga COVID-19 hri len dan dinhmun azirin inkaihhruaina an siam ang a, a tul a nih chuan CrPC 144 hmangin curfew an puang thin ang.
2. Zirna in hawn chungchang
Class X leh XII board exam turte chu School Education Department thuchhuak angin CAB ṭha taka zawm chungin school leh hostel hawn phal a ni. Hemi atana hman tur SOP chu School Education Department-in a ruahman ang a, zirtirtu leh sikula hnathawkte chu COVID-19 vaccine full dose la vek turin hma a la bawk ang.
Class I aṭanga class IX leh class XI zirlai te tan sikul leh hostel khar a ni ang a, online-in class lak chhunzawm a ni ang.
Zirna sang zawk (Higher education) kaina rûn (Institute), College leh University te chu online a kal chhunzawm tur a ni.
3. Sakhaw Biak In-a inkhawm leh Inkhawmpui chungchang
1) Biak In-a leng zat chanve (50% seating capacity) aia tam lovin chhun leh zanah Kohhran Inkhawm pangngai neih phal a ni a, zing ţawngţai inkhawm pawh phal a ni.
2) Kohhran Inkhawmpui chu chhun lamah chauh neih phal a ni:
a) Inkhawmpui neihna hmun Biak In-a leng zat chanve (50% seating capcity) tel phal a ni.
b) COVID-19 symptoms neite chu Inkhawmpui-ah hian tel loh tur a ni.
c) Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se.
3) Hripui darh theihna tur ven nan, a theih chin chinah, hla/ rimawi thun (record) sa te play tur a ni a, zaikhawm, zaiho leh zaipawl hla sakho te khap a ni.
4) CAB khauh taka kenkawh leh zawm tur a ni. A thlengtu kohhran-in LLTF te phungbawma sawmin CAB/ SOP Implementation Committee an din ang.
4. District Headquarters-a Bazar leh Dawr te chu hawn phal a ni
5. Restaurant te chu a hmuna leng zat chanve (50% seating capacity) chin luahkhatin hawn phal a ni. Tui emaw tuiril lam chi hrim hrim emaw in inṭawm tur ven nan a neitu ten dispo no emaw no pangngai emaw tui bottle emaw mi tin tan a hran ṭheuh an chhawp ṭhin tur a ni.
A neitu ten uluk takin chaw ei dawhkan leh ṭhutthleng te zing takin an tithianghlim (sanitize) ṭhin tur a ni a, an dawr leh a chhehvel te engtiklai pawha fai taka vawn kawngah mawh an phur bawk ang.
6. Commercial vehicle (City Bus, Taxi, 2-wheeler taxi leh adt.) driver leh handyman ten heng inkaihhruainate hi uluk takin an zawm tur a ni:
1) Lirthei ṭhutphah leh a chhungte tihthianghlim zin tur a ni a, lirthei chu fai taka vawn reng tur a ni. Hnathawhna hmunah mask/ hmai tuamna an vuah reng tur a ni. Passenger-te hman tur hand sanitizer an pai reng tur a ni.
2) COVID-19 vaccine full dose la tura ngen leh beisei an ni.
3) Lirtheiah te hian registration-a seating capacity tarlan bak chuan phal a ni lo.
4) Bus-ah ding an awm tur a ni lo.
*****
C. MIZORAM PUMA HMAN TUR INKHUAHKHIRHNA DANGTE
1. Vaccination
Mipui vantlang kan lo him zawk nan COVID-19 vaccine la la lo zawng zawng (target group)-te chu Sawrkar-in a thlawna vaccine lakna a ruatah te a hma thei ang bera vaccine la tura ngen leh beisei an ni. Deputy Commissioner ten an District theuhvah mipui ten vaccine dose hnih an lak ngei theihna turin theihtawpin hma an la ang.
2. Zin veivah chungchang
1) Zin veivah chungchanga inkaihhruaina leh airport-a screening chungchanga zawm tur Health & Family Welfare Department, Government of Mizoram-in thuchhuah thar a siam apiangte chu thuneitu ten tha takin an zawm tur a ni.
2) Ṭul bikah chuan zin veivah phal a ni. Zin veivah nan hian mimal lirthei leh passenger phur lirthei (commercial passenger vehicle) te hman phal a ni.
3) Lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh ten mask/ hmai tuamna an vuah vek tur a ni. Passenger-te hman tur hand sanitizer an pai reng tur a ni.
3. Veng/Khaw Bil Inkhuahkhirhna
1) He order/inkaihhruaina-in a huam baka veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin LLTF/VLTF ten an awmna District Deputy Commissioner hnenah rawtna an siam thei ang.
2) LLTF/VLTF ten he Order-ina inkhuahkhirhna a siam bak pelin anmahni thuin veng/ khaw bil inkhuahkhirhna hranpa curfew/ lockdown/ Containment Area/ Restricted Area an puang tur a ni lo.
3) Kawngpuiin a paltlang khua/veng ten an khaw/veng kaltlanga khaw/veng danga kal tur zin veivak te leh an lirthei an dang tur a ni lo.
4. Bungraw Chawkluh Leh State chhunga Thiar Chungchang
1) State pawn aṭanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID-19-ah an in-register vek tur a ni.
2) Bungraw lak luh phurtute (driver leh handyman) hi entry point-ah uluk takin screening kalpui chhunzawm a ni ang. Bungraw phur motor-ah reng reng hian midang (passenger) an chuang tur a ni lo.
3) State pawn aṭanga bungraw lak luh phurtu (driver leh handyman) te chu an kalphung pangngai angin khaw dâiah anmahniin eirawng an inbawl ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te aṭanga feet ruk (6) tala hla-ah an awm tur a ni.
4) State pawn aṭanga bungraw lak luh phurtu (driver leh handyman) te chu backload lak tur zawngin Mizoram hmun dangah an kal kual tur a ni lo.
5) AMC Area pawnah chuan Mizoram-a bungraw awmsa emaw siam chhuah/tharte thiar chungchangah inkhuahkhirhna a awm lovang.
6) Public Distribution System (PDS) hnuaia ration dawr/retailer-a pek chhuah tur buhfai, chini leh khawnvartui phur motor te chu FCS&CA Department in Delivery Order/Despatch Challan a pek chhuah, la nung mek an ken chuan phalna hranpa ngai lovin Mizoram chhungah bungrua an thiar thei ang.
7) A chunga tarlan driver leh handyman-te hian kawng laka harsatna an tawh thulhah State Control Room (Toll free 1070, landline 0389-2342520, mobile 7628072785 leh whatsapp 9366331931) leh COVID-19 (Medical) helpline number (Toll free 102, landline 0389-2323336, 0389- 2322336 leh 0389-2318336)-ah telephone-in an harsatnate an thlen thei ang.
5. Covid-19 hri laka kan himna tur atan mitin hian tih tur pawimawh tak kan nei ṭheuh va. Chung tih tur leh zawm tur COVID Appropriate Behaviour (CAB) te chu Annexure-ah tarlan a ni a, mitinin zawm ṭheuh tur a ni.
6. Thil ṭul dang a awm chuan, Deputy Commissioner (DC) ten an District chhunga COVID-19 hri len dan dinhmun azirin inkaihhruaina an siam ang a, a tul a nih chuan CrPC 144 hmangin curfew an puang thin ang.
7. Mizorama lo luh, quarantine, adt. chungchanga inkaihhruaina chu Health & Family Welfare Department-in thuchhuah thar an siam ang zelin kalpui tur a ni ang.
8. State Level Expert Team on COVID-19 Management-in a rawt angin mipui nghawng tam lo thei ang berin Deputy Commissioner ten an District chhungah Micro Containment Zone emaw inkhuahkhirhna dang a ṭul dan azirin colony/ building/ apartment chauh huamin an puang thei ang a, Micro Containment Zone emaw inkhuahkhirhna dang emaw puanah te chuan Deputy Commissioner-in thupek a siamte khauh taka zawm tur a ni.
9. He thupek zawm lote chu Disaster Management Act, 2005, Section 51 aṭanga 60 leh the Mizoram (Containment & Prevention of the spread of COVID-19) Act, 2020 leh IPC Section 188 hmangin hrem theih an ni.
