929/2026-2027

Aizawl, the 10 June 2026: Vawiin khan Mizoram Cooperative Apex Bank Ltd. Board of Directors Meeting chu Pu Lalnunsanga, Chairman, Mizoram Cooperative Apex Bank Ltd. kaihhruaiin Head Office-ah an thukhawm.

Board Meeting-ah hian Bank inrelbawlna hrang hrangte thlirhona leh Apex Bank-in Policy thar a duan te chu pawm a ni a. Reserve Bank of India atanga Pu A. Lallungmuana, Chief Executive Officer atana ruat remtihna lehkha an dawn chu Board Meeting chuan lungrual takin an pawm nghal bawk a ni.

Vawiina Board Meeting hian Loan dilna 108 pek a remti a. Heng loan dilna hrang hrangte hi mimal leh pawl atanga lut Agriculture loan te, Sumdawnna, Banakaih (Handholding) leh Biak In sakna loan-te an ni a. Loan hrang hrang zat belh khawm hi a vaiin cheng vaibelchhe 25.56 a ni.

Tun dinhmuna Apex Bank hian Branch 35 neiin Bank sum dinhmun hi;- deposit cheng vaibelchhe 1928 niin Loan pek chhuah zat belh khawm chu cheng vaibelchhe 1281 lai a ni a. Sum kawl zat atanga Loan pekchhuah zah tehfung CD Ratio hi zaa 66.50% lai a tling a ni.