1783/2024-2025

Aizawl the 28th August, 2024 : Vawiin Ni 28 August 2024 (Nilaini) hian Mizoram Cooperative Apex Bank, Board of Directors Meeting chu Board Meeting Room, Head Office, Tuikual South-ah neih a ni.

Meeting hi Pu Lalnunsanga, Chairman-in a kaihruai a, bank hmalakna hrang hrang te thlir ho a ni. Board Meeting-ah hian thawktu 23 te service confirmed niin mimal loan Rs. 1250 Lakhs (Nuai) leh Biakin sakna loan Rs. 967 Lakh (Nuai) pek remtih a ni a. Loan sanction zawng zawng hi Rs. 2217 Lakhs (Nuai) a ni. Mizoram Cooperative Apex Bank hian Branch 28 a nei mek a, tun Board Meeting-ah hian kum 2024 chhunga Branch thar 3 (North Vanlaiphai, New Colony -Siaha leh Ramrikawn) hawn belh remtih ani bawk.

Tun dinhmunah Apex Bank hian Deposit Rs. 1522.10 Cr. (Vaibelchhia) atangin Loan hi Rs. 1199.45 Cr. (Vaibelchhia) a pe chhuak a. Deposit dawn atanga Loan pekchhuah tehfung (CD Ratio) hi 78.8% niin Mizoram Bank ah pawisa dawn atanga teha loan pechhuak tha ber an ni.