2926/2025-2026

Dated Aizawl: the 15 January, 2026 : Vawiin khan Mizoram Cooperative Apex Bank Ltd Board of Directors Meeting chu Pu Lalnunsanga, Chairman hovin Board Meeting Room Head Office ah an thukhawm a. Meeting hian State Level Banker’s Committee-in a rawt angin Bank awm lohna khua Saipum khuaa Branch thar hawn rem tiin, Tun Financial Year chhung ngeia hawng tura hmalak nise a tih a ni.

Meeting chuan Bank Share lei dil society te hnenah share lei phalna a pe a. Hetih rual hian Mizo Bank anih angin Share leia tanla zel turin Mizoram chhunga society zawng zawng te a sawm nghal a ni.

Meeting hian Loan dilna hrang hrang 117 pek a remti a, a vaiin cheng nuai 2569 a ni. Heng loan a pekchhuah zingah hian Biakin sakna loan, Society loan leh Sawrkar Flagship Programme hnuai ami Handholding (Banakaih) loan te a langsar zual niin mimal insakna loan, Business, Industry leh Agriculture loan te a tel a ni.

Tunah hian Apex Bank hian Deposit cheng vaibelchhia 1787 kawlin Loan cheng vaibelchhia 1259 a pe chhuak mek a. Sum kawl atanga Loan pek chhuah tehfung (CD Ratio) chu za zelah 70.5 (%) a ni.