Mizoram Florists’ Association hian pangpar chin leh hralh kawnga pangpar chingtuten hma an sawn theih nan Flower Show leh Fair te a buatsaih thin a. Vawi tam tak show leh fair hi buatsaih tawh a ni a, kum khatah vawi 2 emaw vawi 3 emaw te a remchan dan angin buatsaih thin a ni. Tun tuma Fair neih hi vawi 31-na a ni a. Flower Show leh Fair neih thin hi a tam zawk hi chu Horticulture Department te nena tangkawpui buatsaih thin a ni.

Tun tuma Fair hi 8th - 10th October, 2013 thleng neih tur a ni a. Hetah hian pangpar tiak, thlai tiak, Seasonal, perennial house plants chi hrang hrang leh plastic pot te lei tur a awm a. Fair ah hian dawr 54 lai hawn a ni a. Florists Association member ten anmahni chin leh thar nei pangpar chi hrang hrang leh house plants an pho chhuak a, zing dar 9:00 atanga tlai dar 4:30 thleng Fair neih chhung hian a duh apiang tan heng te hi en leh lei theih a ni e.