Vawiin chawhma khan Mizoram Governor Lt. Gen. Nirbhay Sharma, PVSM, UYSM, AVSM,VSM (Rtd.) chuan National Institute of Technology (NIT) Mizoram Director thar Prof Rajat Gupta chu Raj Bhavan-ah a kawm.

Mizoram Larsap chuan Mizoram chu ram ralmuang leh nuam tak anih avangin hmasawn tura hnathawhna  kawngah harsatna a awm loh thu a hrilh a. Mizoram NIT hmasawnna tur chuan a hmasa berah zirna hmun nghet leh chenna hmunhma changtlung zawk neih angai a ni, a ti a. Heng bakah hian  zirtirna tha zawk nei thei turin University dang te nena thawh hona tha neih angaih thu leh State sawrkar nena inlungrual taka thawh ho zel chu tih makmawh a ni, a ti bawk.

He inkawmna hunah hian Mizoram NIT Director thar Prof. Rajat Gupta chuan Mizoram NIT tih changtlung anih theihna turin theihtawp chhuah a tum thu a sawi a. Mizoram Governor thurawn te chu tihlawhtling ngei thei tura tan lak a tum thu a sawi bawk a ni.

Pof Rajat Gupta hi IIT Delhi chhuak niin, NIT Srinagar leh NIT Silchar-ah  te Director hna a lo chelh thin tawh a ni.

Attachment

  • Loading attachment...