No.1737/2020-2021

Mizoram sawrkar hnuai a Laboratory Technician Association hruaitute chuan nimin ni 5.06.2020 khan COVID-19 Laboratory, Falkawn leh R.Dengthuama Hall, Quarantine Centre an tlawh a. Heng hmuna Laboratory Technician te hna thawh dan leh an harsatna te an sawipui.

COVID-19 dona kawnga Laboratory Technician te tangkaina leh an thawhrim zia te, chun leh zan pawh sawi lova mizo mipuite himna atana an inpek nate chu chhuanawm an tiin Association pawh in an chhuangin an thlawp tlat ani tih an sawi a. Tha thlah lova tang sauh sauh turin an fuih bawk.

An thawhrimna leh an inpek nate, COVID-19 hripui dona a a hmatawng an nih dante hriatpui a, tawngtaina nen a thawhpui zel turin mizo mipui zawng zawngte an sawm bawk a ni.