714/2025-2026

Dated Aizawl, the 3rd June, 2025: Pu Lalnghinglova Hmar, Tourism Minister hovin vawiin khan Chief Secretary Conference Hall, Secretariat Building, MINECO-ah Mizoram Heritage & Tourism Development Committee din dan tur relin thutkhawm a ni a. Tourism Department, Art & Culture Department, I&PR Department, Land Revenue & Settlement Department leh Planning & Programme Implementation Department atangin department hotute an tel a. Pu Manaj Saha, United Nations Educational Scientific & Cultural Organization (UNESCO) in art hmasawnna atana a thawhpui UNESCO NGO Partner, Association Internationale des Arts Plastiques/International Association of Art (AIAP/IAA) India Chapter-a President-te nen an inberawn bawk a ni.

He committee din tura relna hunah hian Tourism Minister Pu Lalnghinglova Hmar chuan kut themthiamna hmanga lemziak mi te kutchhuak (art) leh hmanlai pipute khawsak thinna hmun hluite hi kan hnam rohlu a ni a, chawisan leh vawnhim a ngaih hle thu sawiin khualzin hip theihna hmanraw tangkai a nih thu a sawi a. Hnam dangte hmuh theih tura chawisang turin tunlai khawvel mila ruahmanna tha siam a pawimawh thu a tarlang a. Hetiang lama kan hmunhma neih thatte zirchiang tur leh khawvel pum huapa phochhuak thei tur, Mizoram Heritage & Tourism Development Committee din a tul tih a sawi.

He thutkhawmnaah hian Mizoram chhunga hmanlai puipute sulhnu la awmte tha zawka chhinchhiah leh zinmite hip nana phochhuah dan tur ruahmanna sawi ho a ni a. Mizoram Heritage & Tourism Committee din pawimawhna leh mawhphurna an neih dan turte sawi a ni bawk.