Vawiin chawhnu hian Mizoram sawrkar High Level Team te chu Gujarat panin an chhuak dawn a. Mizoram Team te hian contract farming, cooperative movement leh entrepreneuship development lama Gujarat hmalakna hlawhtling entawn tlak hrang hrang a hmunah en in an tlawh dawn a ni.
High Level Team hi Pu Lalsawta, Planning, Finance, etc. Minister in a ho ang a. Member dang te chu: (1) Pu H.Liansailova, Vice Chairman, Mizoram State Planning Board; (2) Pu P.C. Lalthanliana, Minister, Horticulture, Social Welfare, and LAD, Mizoram; (3) Pu C. Ngunlianchunga, Minister of State, AH&Vety, DM&R, Mizoram; (4) Pu K.S. Thanga, Parliamentary Secretary, Finance, Planning, Law & Judicial, and Taxation, Mizoram; (5) Dr C Vanlalramsanga, Secretary to Government of Mizoram, Planning & Programme Implementation Department, Government of Mizoram; (G) Pu Ramchuana, Joint Secretary, Finance Department, Government of Mizoram; (7) Pi T. Lalmuanpuii, Chairperson, Mizoram Cooperative Apex Bank; (8) Dr Elizabeth Saipari, Joint Director, Horticulture Department, Government of Mizoram; (9) Dr H. Saithantluanga, Joint Director, Agriculture Department, Government of Mizoram; (10) Shri Lalzuahliana, Chief Executive Officer, Mizoram Cooperative Apex Bank; (11) Pi Lalfakzuali, Addl. Registrar, Cooperation Department, Government of Mizoram; (12) Shri Vanlalruata Chenkual, Deputy Director, Horticulture Department, (13) Pu Joseph L. Ralte, President, Mizoram Entrepreneurship Network leh officials pawimawh dangte an ni.
Mizoram High Level Team te hi Gujarat Sawrkarin ‘State Guest’ angin a lo mikhual ang a. Gujarat sawrkar ruahmanna leh kaihhruainain ni hnih chhung 24-25 November 2016 an cham ang. Mizoram Team te hian ni 24 November 2016 chawhnu dar 5:30 pm ah Gujarat Chief Minister Shri V.R.Rupani an kawm ang a. Hemi ni vek chawhnu dar 3:00 pm hian Agriculture Minister Shri C.D.Shapariya an kawm bawk ang a, Agriculture & Cooperation Principal Secretary in Presentation a pe anga, Gujarat a contract farming leh cooperative movement kalpui dan sawiho a ni ang. Ni 24 November zanah Agriculture Minister zanriah buatsaih an kilho bawk dawn a ni.
Ni 24 leh ni 25 chhung hian Gujarat a contract farming, cooperative movement leh entrepreneurship development lama hmalakna zirtlak deuh deuh te a hmunah tlawhin an fang kual dawn a ni. Mizoram Team te hi ni 26 November 2016 ah Aizawlah an lo kir leh ang.